10 قازاندا قىتاي ازاماتتارى مۇراگەر ەلٸمۇلى مەن قاستەر مۇساقانعا قاتىستى قر قىلمىستىق كودەكستٸڭ 392-بابى 1-بٶلٸگٸندە قاراستىرىلعان «قازاقستان رەسپۋبليكاسىنىڭ مەملەكەتتٸك شەكاراسىن قاساقانا زاڭسىز ٶتۋ» بويىنشا سوتقا دەيٸنگٸ تەكسەرۋ باستالدى, دەپ حابارلايدى قر ۇقك شق باسپاسٶز قىزمەتٸ.
«ولار 14 قازاندا الماتى قالاسىنداعى شەكارا قىزمەتٸنٸڭ «شىعىس» ٶڭٸرلٸك باسقارماسىنا شەكارادان ٶتۋ جاعدايىن انىقتاۋ ٷشٸن شاقىرتىلعان بولاتىن. پروتسەستٸك تەرتٸپپەن ۇستالمادى, قاماۋ شارالارى قولدانىلعان جوق. م. ەلٸمۇلى مەن ق. مۇساقان «شىعىس» ٶب عيماراتىندا ٶز ەرٸكتەرٸمەن قالدى جەنە ولارعا تاماق, جاتاتىن ورىن بەرٸلدٸ», دەلٸنگەن حابارلامادا.
ۆەدموستۆونىڭ مەلٸمەتٸنشە, ولار 1 قازاندا قحر-دان قر-عا شەكارادان زاڭسىز ٶتكەندەرٸ تۋرالى الدىن الا ايتقان.
«وسىعان بايلانىستى, شەكارادان ٶتۋ جاعدايىن انىقتاۋ, سونداي-اق بولجامدى قۇقىق بۇزعان جەردە پروتسەستٸك جەنە باسقا دا تەكسەرۋ ٸس-ەرەكەتتەرٸن ٶتكٸزۋ ٷشٸن 15 قازاندا ولاردى شىعىس قازاقستان وبلىسىنىڭ زايسان قالاسىنا جەتكٸزۋ جوسپارلانىپ وتىر. سونىمەن قاتار, ق. مۇساقان 2006 جىلعى 21 ماۋسىمدا مال ۇرلىعى ٷشٸن قىلمىستىق جاۋاپكەرشٸلٸكتەن جالتارۋ ماقساتىندا قازاقستان-قىتاي شەكاراسىن بۇزعاندىعى بەلگٸلٸ بولدى. ول كەزدە تەكسەرۋ جۇمىستارىنان كەيٸن قحر-عا قايتارىلعان بولاتىن», دەلٸنگەن حابارلامادا.
شەكارا قىزمەتٸ وقيعانىڭ قولدانىستاعى زاڭنامالارىنا سەيكەس جٷرگٸزٸلٸپ جاتقانىن جەتكٸزدٸ.
«ۇقك شەكارا قىزمەتٸ قحر ازاماتتارى م. ەلٸمۇلى مەن ق. مۇساقانعا قاتىستى سوتقا دەيٸنگٸ تەكسەرۋ, ولاردىڭ قۇقىقتارىنىڭ تولىق ساقتالۋىمەن, سونداي-اق حالىقارالىق مٸندەتتەمەلەرگە جەنە قازاقستان رەسپۋبليكاسىنىڭ قولدانىستاعى زاڭنامالارىنا سەيكەس جٷرگٸزٸلٸپ جاتقانىن حابارلايدى», دەلٸنگەن حابارلامادا.
