باتىس قازاقستان وبلىسىندا كيٸك سانىن رەتتەۋ مەسەلەسٸ قاراستىرىلادى. وبلىس ەكٸمٸ عالي ەسقاليەۆتٸڭ جۋرناليستەرمەن كەزدەسۋٸندە مەلٸم ەتكەنٸندەي, ٶڭٸردە كيٸكتەر جىل سايىن كٶبەيٸپ كەلەدٸ, دەپ حابارلايدى قازاقپارات.
ەكٸمنٸڭ ايتۋىنشا, كەيٸنگٸ جىلدارى تۇرعىندار مەن شارۋالاردان كيٸكتەردٸڭ جايىلىمدى وتاپ كەتكەنٸ جٶنٸندە تٷسەتٸن شاعىم جيٸلەپ بارادى.
«جۋىردا ٶڭٸرگە جۇمىس ساپارى كەزٸندە پرەمەر-مينيستر ەليحان سمايىلوۆ ەكولوگييا مينيسترلٸگٸنە كيٸككە بايلانىستى ماۋسىمنىڭ 1-ٸنە دەيٸن ناقتى شەشٸمگە كەلۋدٸ جٷكتەدٸ. سودان كەيٸن ٷكٸمەت قاۋلىسى ما, مينيسترلٸك بۇيرىعى ما, شىعاتىن بولادى. سەبەبٸ, شارۋالاردىڭ مٷددەسٸن قورعاۋ كەرەك. «بٶكەيوردا» رەزەرۆاتىنا بايلانىستى ايتارىم, بۇل مەسەلەنٸ تٷبەگەيلٸ شەشپەيدٸ. رەزەرۆاتقا بەرٸلەتٸن جەر اۋماعىنان ۇڭعىمالار قازىپ, زەرتتەگەن كەزدە سۋ شىققان جوق. ال, سۋ جوق جەرگە كيٸك تۇراقتامايدى. ەرينە, ٷكٸمەت قاۋلىسىنا سەيكەس رەزەرۆات قۇرىلىپ, ينسپەكتورلار مەن تەحنيكالار سانى كٶبەيتٸلەر. الايدا, بۇل مەسەلەنٸ شەشۋگە ٸشٸنارا عانا سەپتٸك ەتەدٸ. سوندىقتان, كەرٸ تەكەلەردٸ ازايتىپ دەگەندەي, كيٸكتەر سانىن رەتتەۋ قاجەت», - دەدٸ عالي ەسقاليەۆ.
قازاقستاندا كيٸكتەردٸ اتۋعا 2015 جىلدان باستاپ تىيىم سالىنعان بولاتىن. كەيٸن بۇل مەرزٸم 2023 جىلعا دەيٸن ۇزارتىلدى. سول كەزدە كيٸك سانى 10-15 مىڭداي ەدٸ, قازٸر 500 مىڭنان اسىپ كەتتٸ. بيىلعى ساناق قورىتىندىسى بويىنشا ودان دا كٶبەيۋٸ مٷمكٸن.
