قىتايدىڭ شانحاي قالاسىندا تۇرعىندار COVID-كە قارسى شەكتەۋلەرگە بايلانىستى ٷيٸندە قامالىپ وتىر, كٶپشٸلٸگٸ دەرٸ-دەرمەك پەن ازىق-تٷلٸك ساتىپ الۋ ٷشٸن سىرتقا شىعا المايدى, دەپ حابارلادى Sputnik قازاقستان.
جەلٸدە جارييالانعان ۆيدەودان تۇرعىنداردىڭ كارانتينگە نارازىلىق بٸلدٸرٸپ, كٶپقاباتتى ٷيلەردٸڭ تەرەزەسٸنەن ايعايلاپ جاتقانىن ەستۋگە بولادى.
بٸرقاتار جەرگٸلٸكتٸ باق-تىڭ حابارلاۋىنشا, ادامدار قاتاڭ لوكداۋننىڭ سالدارىنان سىرتقى ەلەممەن بايلانىسىن ٷزدٸ: ولارعا ٷيدەن شىعۋعا تىيىم سالىنعان, ال ازىق-تٷلٸكتٸ ەرٸكتٸلەر جەتكٸزٸپ بەرۋدە. الايدا تاپسىرىستىڭ كٶپتٸگٸنە بايلانىستى ولار ٷلگەرە الماي جاتىر, كٶپتەگەن تۇرعىن تاماقسىز قالدى. سونىمەن قاتار حالىقتىڭ قاجەتتٸ دەرٸ-دەرمەكتٸ ساتىپ الۋعا مٷمكٸندٸگٸ جوق.
شەكتەۋلەر ەسٸرەسە قارت ادامدارعا قيىن سوعىپ تۇر, ولار گادجەتپەن تاماققا تاپسىرىس بەرۋدٸ بٸلمەيدٸ.
ەپيدەميياعا قارسى مۇنداي قاتاڭ شارالار شانحاي تۇرعىندارىنىڭ نارازىلىعىن تۋدىردى.
قىتاي ٶتكەن تەۋلٸكتە كوروناۆيرۋستىڭ تارالۋى بويىنشا انتيرەكوردتى جاڭارتتى. جەكسەنبٸدە كوروناۆيرۋس ينفەكتسيياسى 27 595 ادامنان انىقتالدى. ولاردىڭ كٶپشٸلٸگٸ – شانحاي تۇرعىندارى.
24,9 ميلليون ادام تۇراتىن مەگاپوليس بيلٸگٸ كوروناۆيرۋس ينفەكتسيياسىنىڭ قايتادان ٶرشۋٸنە بايلانىستى 28 ناۋرىزدان باستاپ لوكداۋن ەنگٸزدٸ.
