الماتى وبلىسىنداعى پويىز بەن اۆتوبۋس اپاتىندا 33 جاستاعى ەيەل مەن ونىڭ ەكٸ قىزى زارداپ شەكتٸ, دەپ حابارلايدى "ۇلت اقپارات" «قازاقستان تەمٸر جولى» ۇك» اق باسپاسٶز قىزمەتٸنە سٸلتەمە جاساپ.
زارداپ شەككەن ەيەل «قتج» ۇك» اق قىزمەتكەرٸ بولىپ شىقتى.
«قازاقستان تەمٸر جولى» كومپانيياسى زارداپ شەككەن ەيەلدٸڭ ەمدەلۋٸنە, ەرٸ قاراي وڭالۋىنا جەنە ماتەريالدىق تۇرعىدا بارلىق قاجەتتٸ كٶمەكتٸ كٶرسەتەدٸ. ول الماتى ەكسپلۋاتاتسييالىق لوكوموتيۆ دەپوسىندا ەسەپشٸ بولىپ جۇمىس ٸستەگەن. تەمٸر جول سالاسىندا 14 جىلدىق ەڭبەك ٶتٸلٸ بار», - دەلٸنگەن رەسمي حابارلامادا.
كومپانييانىڭ حابارلاۋىنشا, وتباسى دەمالىستاعى تۋىستارىنان كەلە جاتقان.
«پويىز سوقتىققانشا بارلىق جولاۋشىلار اۆتوبۋستىڭ ارتقى ەسٸگٸنەن شىعىپ ٷلگەرگەن. ال ەلميرا الدىندا ۇيىقتاپ جاتقان ەكٸ قىزىمەن اۆتوبۋستان شىعىپ ٷلگەرمەگەن. قازٸر ولار قاسكەلەڭ قالاسىنداعى قاراساي اۋداندىق ورتالىق اۋرۋحاناسىندا جانساقتاۋ بٶلٸمٸندە جاتىر. ونىڭ قىزدارى جابىق باس سٷيەك-مي جاراقاتىن العان. ەيەلدٸڭ ميى شايقالىپ, تراۆماتيكالىق شوك العان, وڭ قولى, بۇعاناسى مەن قابىرعاسى سىنعان. ەرٸپتەستەرٸ ەلميرا مەن ونىڭ قىزدارىنىڭ ساۋىعىپ كەتۋٸن تٸلەيدٸ», - دەپ جازدى باسپاسٶز قىزمەتٸ.
«قتج» ۇك» اق ارنايى كوميسسيياسى وقيعا ورنىنا شىقتى. كومپانييا باسشىلىعى اۋرۋحانا بارىپ, زارداپ شەككەندەردٸڭ جاي-كٷيٸن سۇرادى.
ەستەرٸڭٸزگە سالا كەتەيٸك, 15 قىركٷيەك كٷنٸ شامالعان ستانساسىندا پويىز بەن اۆتوبۋس سوقتىعىستى. جولاۋشىلار اۆتوبۋسى رەلسكە شىعىپ كەتكەن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە جاتقىزىلدى. ونىڭ ەكەۋٸ بالا.
قازٸر اتالعان فاكتٸ بويىنشا قر قك 345-بابىنىڭ 3-تارماعى بويىنشا ٸس قوزعالىپ, تەرگەۋ جٷرٸپ جاتىر. ٸستٸ باس كٶلٸكتٸك پروكۋراتۋرا باقىلاۋىنا الدى.
