17 قىركٷيەكتە الماتى وبلىسى قاراساي اۋدانىنداعى شامالعان ستانتسيياسىندا جەرگٸلٸكتٸ بيلٸك ٶكٸلدەرٸ مەن تۇرعىندار كەزدەسٸپ, ٶتكەن جەكسەنبٸدە پويىز بەن اۆتوبۋس سوقتىعىسقان تەمٸرجولدىڭ اۆتوكٶلٸك جولىمەن قيىلىساتىن تۇسىنا كەيٸن سالۋ جايىن تالقىلادى.
جيىندا سٶيلەگەن قاراساي اۋدانى ەكٸمٸ جانداربەك دالاباەۆ جاقىن ۋاقىتتا كٶپٸر سالۋ جەرگٸلٸكتٸ بيلٸكتٸڭ جوسپارىندا جوق ەكەنٸن حابارلادى. شامالعانداعى جيىنعا الماتى وبلىسى ەكٸمٸنٸڭ ورىنباسارى باعدات مەنٸزوروۆ قاتىستى.
اۋدان ەكٸمٸنٸڭ جاۋابىنا قاناعاتتانباعان جەرگٸلٸكتٸ تۇرعىندار كٶپٸر سالۋدى تالاپ ەتتٸ. كەيبٸرەۋلەرٸ اپات بولعان تەمٸرجول ٶتكەلٸندەگٸ كٶلٸك قوزعالىسىن رەتتەمەيدٸ دەپ جول پوليتسيياسىنىڭ جۇمىسىن سىنادى. ازاتتىق تٸلشٸسٸنٸڭ حابارلاۋىنشا, جيىنعا جەرگٸلٸكتٸ پوليتسييا مەن پروكۋراتۋرا ٶكٸلدەرٸ دە قاتىسقان.
شامالعانداعى بۇل جيىن 15 قىركٷيەكتە كەشكە تەمٸرجول ٶتكەلٸندە بولعان اپاتتان كەيٸن ٶتٸپ جاتىر. جەكسەنبٸ كٷنٸ كەشكە تەمٸرجول ٶتكەلٸندە تۇرعان اۆتوبۋستى جٷردەك پويىز سوعىپ ٶتكەن. بيلٸكتٸڭ حابارلاۋىنشا, تىيىم سالاتىن بەلگٸگە قاراماستان "تەمٸرجول ٶتكەلٸنە شىعىپ كەتكەن" اۆتوبۋس جٷرگٸزۋشٸسٸ مەرت بولىپ, اۆتوبۋستا وتىرعان ٷش جولاۋشى (ەكەۋٸ - بالا) جاراقات العان. پويىز جولاۋشىلارى زارداپ شەكپەگەن.
اپاتتان كەيٸن شامالعان ستانتسيياسىنىڭ تۇرعىندارى تەمٸرجولدى جاۋىپ, بيلٸكتەن پويىز ٶتەتٸن كٶپٸر سالۋدى تالاپ ەتكەن. ولار اپات بولعان تەمٸرجول ٶتكەلٸنەن "كٷنٸنە جٷز شاقتى پويىز" ٶتەتٸنٸن ايتىپ, "جەتٸ جىلدان بەرٸ كٶپٸر سالىناتىنى جايلى ۋەدەگە تويدىرعان" بيلٸككە نارازىلىق بٸلدٸردٸ.
دٷيسەنبٸدە نۇر-سۇلتانداعى بريفينگتە قازاقستان يندۋسترييا جەنە ينفراقۇرىلىمدى دامىتۋ مينيسترٸ رومان سكليار اپات بولعان تەمٸرجول ٶتكەلٸندە تالاپقا ساي باعدارشام مەن شلاگباۋم بولعاندىقتان, ول جەردە كٶپٸر سالىنبايتىنىن مەلٸمدەگەن.
