بىلتىر قىركٷيەك ايىندا اۆتوبۋس پەن پويىز سوقتىعىسقان شامالعان تەمٸر جول ستانساسىندا اينالما جولدىڭ قۇرىلىسى باستالىپ كەتتٸ. بۇل جٶنٸندە الماتى وبلىسىنىڭ ەكٸمٸ اماندىق باتالوۆ نۇر-سۇلتان قالاسىندا ٶتٸپ جاتقان بريفينگ بارىسىندا ايتتى, دەپ حابارلايدى "ۇلت اقپارات".
«شامالعان ستانساسىندا اينالما جولدىڭ قۇرىلىسى باستالىپ كەتتٸ. كەلەسٸ جىلى كٷزدە ٸسكە قوسىلادى دەپ جوسپارلاپ وتىرمىز. بۇل ماقساتقا شامامەن 4 ملرد تەڭگەدەي قارجى بٶلٸنگەن. وسى اينالما جول ٸسكە قوسىلعاندا بارلىق قاۋٸپ-قاتەر جويىلادى دەپ ويلايمىن. قيىن جاعدايدان كەيٸن ٸسكە كٸرٸستٸك, بۇرىننان جاسايتىن جۇمىس ەدٸ», - دەدٸ ا.باتالوۆ.
ەسكە سالساق, ٶتكەن جىلى 15 قىركٷيەكتە شامالعان ستانساسىندا رەلستٸڭ ٷستٸندە تۇرىپ قالعان جولاۋشىلار اۆتوبۋسى مەن جولاۋشىلار پويىزى سوقتىعىسقان بولاتىن. سالدارىنان اۆتوبۋس جٷرگٸزۋشٸسٸ سول جەردە مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە تٷستٸ.
ايتا كەتەيٸك, دەل وسى شامالعان تەمٸر جول ستانساسىنىڭ جانىنان جاياۋ جٷرگٸنشٸلەر كٶپٸرٸ سالىندى. ەندٸ اۆتوكٶلٸككە ارنالعان اينالما جولدىڭ قۇرىلىسى جٷرٸپ جاتىر.
