ينتەرنەت جٷيەسٸنٸڭ دۇرىس بولماۋىنا بايلانىستى سەسسييا تاپسىرماي قويۋعا نەمەسە ۋاقىتىن شەگەرۋگە بولمايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين بريفينگتە قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ايتتى, دەپ حابارلايدى قازاقپارات.
«ينتەرنەتٸ جوق اۋىلدا تۇراتىن نەمەسە كومپيۋتەرٸ جوق ستۋدەنتتەرگە جاتاقحانادا جاتىپ وقۋعا بولاتىنى تۋرالى اقپارات الدىن الا ايتىلعان بولاتىن. قازٸرگٸ ۋاقىتتا بارلىق جوو-داعى جاتاقحانالار شتاتتىق رەجيمدە جۇمىس ٸستەيدٸ. سەمەستردٸڭ باسىندا جاتاقحانالاردا 15 مىڭعا جۋىق ستۋدەنت جاتسا, قازٸرگٸ كەزدە 7 مىڭ ستۋدەنت تۇرىپ جاتىر. بۇل – ينتەرنەتٸ جوق, شالعاي اۋىلدا تۇراتىن ستۋدەنتتەر», - دەيدٸ قر بٸلٸم جەنە عىلىم ۆيتسە-مينيسترٸ ميراس دەۋلەنوۆ.
سونداي-اق, ول ينتەرنەت جٷيەسٸنٸڭ دۇرىس بولماۋىنا بايلانىستى سەسسييا تاپسىرماي قويۋعا نەمەسە ۋاقىتىن شەگەرۋگە بولمايتىنىن ايتتى.
«ينتەرنەتكە قاتىستى مەسەلە بولسا جاتاقحانادا جاتىپ وقۋعا بولاتىنىن الدىن الا ەسكەرتكەنبٸز, سوندىقتان ونى سىلتاۋ ەتٸپ سەسسييانى كەيٸنگە شەگەرۋگە بولمايدى. قاشىقتان وقيتىن ستۋدەنتتەر ٷشٸن سەسسييا دا قاشىقتان ٶتەدٸ. كٶپتەگەن ەمتيحان انتيپلاگيات جٷيەسٸن قولدانا وتىرىپ جٷزەگە اسادى. سوڭعى 5 جىلدا جوعارى وقۋ ورىندارى انتيپلاگياتقا قاتىستى ەرتٷرلٸ جٷيەلەردٸ قولدانىپ كەلەدٸ, سوندىقتان بۇل ستۋدەنتتەر ٷشٸن جاڭالىق ەمەس», - دەيدٸ ول.
