«بٷگٸن الاش جۇرتى العاش رەت اباي كٷنٸ مەرەكەسٸن تويلاپ جاتىر. ۇلتىن سٷيگەن ۇلىق تۇلعانى تانۋ, ونى دەرٸپتەۋ - بٸز ٷشٸن باستى ماقسات بولۋى تيٸس. بيىلعى مەرەيتوي بۇل باعىتتا كەلەشەكتە قولعا الاتىن يگٸلٸكتٸ ٸستەردٸڭ باستاۋى دەپ سانايمىن», دەدٸ قر جازۋشىلار جەنە جۋرناليستەر وداعىنىڭ مٷشەسٸ, اقىن, «قىزىلوردا قوعامدىق» تەلەراديوكومپانيياسى جشس قۇرىلتايشىسى شەكيزادا ەبدٸكەرٸموۆ.
ونىڭ ايتۋىنشا, ەلەمنٸڭ كٶپتەگەن ەلدەرٸندە ۇلت دامۋىندا ٶز ورنى بار تانىمال تۇلعالاردى دەرٸپتەۋگە ماڭىز بەرٸلەدٸ. اتاپ ايتقاندا, رەسەيدە ەسەنين, ٶزبەكستاندا ەلٸشەر ناۋاي شىعارماشىلىعى كەڭٸنەن ناسيحاتتالادى.
«ابايدىڭ قازاق حالقى تاريحىندا الاتىن ورنى ەرەكشە. ۇلتى ٷشٸن ەرەن ەڭبەك سٸڭٸرگەن تۇلعا قاي كەزدە دە بٸز ٷشٸن العا باستايتىن باعدارشام ٸسپەتتەس. اباي بٸلٸمدٸ مىڭدى جىعاتىنىن سانامىزعا شەگەلەدٸ. قازٸر جان-جاعىمىزعا بايىپپەن قاراپ كٶرسەك, سول سٶزدٸڭ راس ەكەندٸگٸن تولىق تانيمىز. جۇمىر جەردە بٸلٸم مەن عىلىم سالاسى وزىق كەتكەن مەملەكەتتەر سانى از ەمەس. بٸز دە سول بيٸكتەن كٶرٸنۋگە ۇمتىلعانىمىز جٶن. شٷكٸر, بٷگٸندە ەلٸمٸز ازاتتىققا قول جەتكٸزدٸ. بٸزدٸڭ ەلەم جۇرتشىلىعى الدىندا ەڭسەمٸز بيٸك بولۋى ٷشٸن قانداي قادام جاساۋىمىز تيٸس? بٸز سول جايىندا ويلانۋىمىز قاجەت. سوندا ٶزگەنٸڭ الدىنا تٷسۋگە, وزىق بولۋعا مٷمكٸندٸك بار. بۇل ورايدا اباي قازاقتىڭ باستى باعدارىن ايقىنداپ بەردٸ», - دەدٸ ول.
شەكيزادا ەبدٸكەرٸموۆ بۇل ورايدا مەملەكەت باسشىسى قاسىم-جومارت توقاەۆتىڭ 10 تامىزدى اباي كٷنٸ رەتٸندە جارييالاۋى ەل تاريحىنداعى ەرەكشە وقيعا ەكەنٸن ايتىپ ٶتتٸ.
«ەندٸگٸ كەزەكتە اباي جايىندا جىلما-جىل كەڭ اۋقىمدا ناسيحات جاسالادى. ونىڭ ەلەمٸن تٷسٸنۋگە, نۇسقاعان باعدار-باعىتىن تانۋعا جول اشىلادى. بٸز الداعى ۋاقىتتا نە جاساۋىمىز قاجەت? بويىمىزدا قانداي جات ەدەتتەر بار? سونى تالعام تارازىسىنا تارتا الامىز. مەملەكەت باسشىسى ٶزٸنٸڭ رەسپۋبليكالىق باسلىمداردا جارييالانعان ماقالاسىندا «بٸز بەسەكەگە قابٸلەتتٸ مەملەكەت بولۋ ٷشٸن اباي مۇراسىن ەستەن شىعارماۋىمىز كەرەك. سەبەبٸ ۇلت رەتٸندەگٸ جاڭارۋ يدەياسى دا ونىڭ كٶزقاراسىمەن ٷندەسٸپ جاتقانى انىق» دەپ اتاپ كٶرسەتتٸ. قازاقستان تەۋەلسٸز مەملەكەت رەتٸندە العا قادام باسىپ كەلەدٸ. ەندەشە, بٸز اباي جازعان دٷنيەلەردٸ وقي وتىرىپ, كەلەشەك كەمەرٸندە ۇلت رەتٸندە قالاي قالىپتاسا الامىز دەگەن ساۋالعا جاۋاپ تابامىز», - دەدٸ ش.ەبدٸكەرٸموۆ.
