28 جەلتوقسان كٷنٸ پولشا استاناسىندا جىلدام شاحماتتان (راپيد) فيدە-نٸڭ ەلەم چەمپيوناتى اياقتالدى. چەمپيونات قورىتىندىسى بويىنشا, 17 جاستاعى قازاقستاندىق شاحماتشى بيبٸسارا اساۋباەۆا ەكٸنشٸ ورىن يەلەنٸپ, كٷمٸس جٷلدەگەر اتاندى, دەپ حابارلايدى قازاقپارات قازاقستاننىڭ شاحمات فەدەراتسيياسىنا سٸلتەمە جاساپ.
شەشۋشٸ پارتييالاردا بيبٸسارا گرۋزييانىڭ تەجٸريبەلٸ شاحماتشىسى – گروسسمەيستەر نانا دزاگنيدزەنٸ, وتانداسى ەسەل سەرٸكبايدى ۇتىپ, ەلەم چەمپيوناتىنىڭ جەڭٸمپازى – حالىقارالىق گروسسمەيتەر الەكساندرا كوستەنيۋكپەن ويىندى تەڭ اياقتاعان.
بيىل اساۋباەۆا ەيەلدەر اراسىندا ونلاين ٶتكەن ازييا چەمپيوناتىندا جەڭٸمپاز اتاندى, قازاقستان رەسپۋبليكاسى قۇراماسىندا ويناپ, بٷكٸلەلەمدٸك شاحماتتان ونلاين وليمپيادادا ٷزدٸك 8 كوماندانىڭ قاتارىنا كٸرگەن, كٶپتەگەن حالىقارالىق جارىستاردا جٷلدەلٸ ورىندارعا يە بولعان.
ال قىزىلوردا وبلىسىنىڭ ٶكٸلٸ, ەيەلدەر اراسىندا حالىقارالىق شەبەر ەسەل سەرٸكبايدىڭ جەڭٸسكە جەتۋٸنە سەل عانا سەتتٸلٸك جەتپەدٸ. چەمپيونات بويى ەسەل كٶشباسشىلار قاتارىندا بولىپ, كاتەرينا لاگنو جەنە الەكساندرا كوستەنيۋك سيياقتى ەلەمنٸڭ جەتەكشٸ شاحماتشىلارىمەن تەڭ ويىن جٷرگٸزگەن.
بٷگٸن بليتستەن شاحمات چەمپيوناتى باستالىپ, 30 جەلتوقساندا اياقتالادى. جارىسقا قازاقستاننان 7 شاحماتشى قاتىسادى.
