قر قم مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى جايدار ٸڭكەرباەۆ شاعىن جەنە ورتا بيزنەستٸ تەكسەرۋ نەلٸكتەن قايتا قولعا الىناتىندىعىن تٷسٸندٸردٸ, دەپ حابارلايدى قازاقپارات.
«جاپپاي تەكسەرۋ جٷرگٸزگەلٸ وتىرعان جوقپىز. مۇنى بارىنشا قاشىقتان, ساراپتامالىق دەرەكتەردٸ پايدالانۋ ارقىلى جٷرگٸزۋگە تىرىسامىز. ايتالىق, ەلەكتروندى شوت-فاكتۋرا جٷيەمٸز ناقتى جەكە كەسٸپكەرلٸككە قانشا تاۋار جٶنەلتٸلگەنٸن قاداعالاۋعا مٷمكٸندٸك بەرەدٸ. ەگەر, وندا اي سايىن, كٷن سايىن ٷلكەن سوماعا تاۋار جٶنەلتٸلسە, وندا بٸز مۇنى ەلەكتروندى شوت-فاكتۋرادان كٶرٸپ وتىرامىز. بۇعان قوسا, ول ەشقانداي كٸرٸسٸن كٶرسەتپەسە, وندا جٷيەمٸز تەۋەكەلدٸ, ياعني, اتالعان جەكە كەسٸپكەرلٸكتٸڭ زالىق زاڭناماسىن بۇزۋى مٷمكٸن ەكەندٸگٸن كٶرسەتەدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, قالاي بولعاندا دا جەكە كەسٸپكەرلٸككە مۇنداي جايتتىڭ ورىن الۋ سەبەبٸن تٷسٸندٸرۋگە مٷمكٸندٸك بەرٸلەدٸ.
«مىناداي بٸر مىسال كەلتٸرە كەتەيٸن. حالىق تۇتىناتىن تاۋارلاردى, ايتالىق كيٸم-كەشەك ساتىپ الاتىنداي كٶرٸنەتٸن, بٸراق ازىق-تٷلٸك ساتاتىن كومپانييالار بار. ۇزاق ۋاقىت بويى, توقساننان توقسانعا, جىلدان جىلعا وسىلاي جالعاسا بەرەدٸ. بۇل دەبەتتٸك سالدا الۋ سىزباسى بايقالادى. بٸراق, بٸز بارىپ, كٶرە المايمىز. ولار حالىق تۇتىناتىن قانداي تاۋار قالعانىن ايتادى. ياعني, الداعى ۋاقىتتا انىق بۇزۋشىلىق بايقالاتىن بولسا, وندا ونى ٶز بەتٸنشە جويۋعا مٷمكٸندٸك بەرەمٸز. سودان كەيٸن عانا تەكسەرۋگە باستاماشىلىق جاسايمىز», - دەدٸ جايدار ٸڭكەرباەۆ.
