QR QM Memlekettik kirister komiteti tóraǵasynyń orynbasary Jaidar Ińkárbaev shaǵyn jáne orta biznesti tekserý nelikten qaita qolǵa alynatyndyǵyn túsindirdi, dep habarlaidy QazAqparat.
«Jappai tekserý júrgizgeli otyrǵan joqpyz. Muny barynsha qashyqtan, saraptamalyq derekterdi paidalaný arqyly júrgizýge tyrysamyz. Aitalyq, elektrondy shot-faktýra júiemiz naqty jeke kásipkerlikke qansha taýar jóneltilgenin qadaǵalaýǵa múmkindik beredi. Eger, onda ai saiyn, kún saiyn úlken somaǵa taýar jóneltilse, onda biz muny elektrondy shot-faktýradan kórip otyramyz. Buǵan qosa, ol eshqandai kirisin kórsetpese, onda júiemiz táýekeldi, iaǵni, atalǵan jeke kásipkerliktiń zalyq zańnamasyn buzýy múmkin ekendigin kórsetedi», - dedi ol Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Onyń atap ótýinshe, qalai bolǵanda da jeke kásipkerlikke mundai jaittyń oryn alý sebebin túsindirýge múmkindik beriledi.
«Mynadai bir mysal keltire keteiin. Halyq tutynatyn taýarlardy, aitalyq kiim-keshek satyp alatyndai kórinetin, biraq azyq-túlik satatyn kompaniialar bar. Uzaq ýaqyt boiy, toqsannan toqsanǵa, jyldan jylǵa osylai jalǵasa beredi. Bul debettik salda alý syzbasy baiqalady. Biraq, biz baryp, kóre almaimyz. Olar halyq tutynatyn qandai taýar qalǵanyn aitady. Iaǵni, aldaǵy ýaqytta anyq buzýshylyq baiqalatyn bolsa, onda ony óz betinshe joiýǵa múmkindik beremiz. Sodan keiin ǵana tekserýge bastamashylyq jasaimyz», - dedi Jaidar Ińkárbaev.
