شاعىن جەنە ورتا بيزنەستٸ جەڭٸلدٸكپەن نەسيەلەۋ باعدارلاماسى 2021 جىلدىڭ سوڭىنا دەيٸن ۇزارتىلادى. بۇل تۋرالى ۇلتتىق بانك تٶراعاسىنىڭ ورىنباسارى ەسجان بٸرتانوۆ ايتتى, دەپ حابارلايدى قازاپارات.
مەملەكەت باسشىسىنىڭ داعدارىسقا قارسى باستامالارى شەڭبەرٸندە ناۋرىزدان باستاپ جالپى سوماسى 600 ملرد تەڭگەگە قارجىلاندىرۋ ليميتٸمەن شاعىن جەنە ورتا بيزنەستٸ (شوب) قولداۋ ٷشٸن جەڭٸلدٸكپەن كرەديتتەۋ باعدارلاماسى ٸسكە اسىرىلىپ كەلەدٸ.
«باعدارلاما تٶتەنشە جاعدايدى ەنگٸزۋ نەتيجەسٸندە زارداپ شەككەن قارجىلىق جاي-كٷيٸنٸڭ ناشارلاۋى بايقالاتىن شوب سۋبەكتٸلەرٸن قولداۋعا باعىتتالعان. قارجىلىق جاعدايدىڭ ناشارلاۋىنا تاۋارلاردى/قىزمەتتەردٸ ساتۋدىڭ تٶمەندەۋٸ, ساتىپ الۋشىلاردان تٶلەمنٸڭ كەشٸكتٸرٸلۋٸ, قىزمەتكەرلەردٸڭ شتات سانىنىڭ قىسقارۋى نەگٸز بولۋى مٷمكٸن. قارىز الۋشى قارجىلىق جاعدايىنىڭ ناشارلاۋىن راستاۋ ٷشٸن بانككە تيٸستٸ قۇجاتتاردى ۇسىنادى»,– دەيدٸ ەسجان بٸرتانوۆ.
قارىزدار كەسٸپورىندارعا جىلدىق 8%-عا دەيٸن سىياقى مٶلشەرلەمەسٸ بويىنشا اينالىم قاراجاتىن تولىقتىرۋعا بەرٸلەدٸ. باعدارلامانى قولدانعان ۋاقىتتا 536 ملرد تەڭگە سوماسىنا 2 207 ٶتٸنٸم قابىلداندى, 1 279 شاعىن جەنە ورتا كەسٸپكەرلٸك سۋبەكتٸلەرٸ 341,4 ملرد تەڭگە سوماسىنا قارجىلاندىرىلدى.
«جولداۋدا ايتىلعان تاپسىرمانى ەسكەرە وتىرىپ, بۇل باعدارلاما 2021 جىلدىڭ سوڭىنا دەيٸن ۇزارتىلادى, ونى قارجىلاندىرۋ كٶلەمٸ 800 ملرد تەڭگەگە دەيٸن ۇلعايتىلادى. بۇل رەتتە, ٷكٸمەت «اتامەكەن» ۇلتتىق كەسٸپكەرلەر پالاتاسىمەن بٸرلەسٸپ ايقىنداعان سەكتورلاردا قولداۋ كٶرسەتەتٸن بولادى», - دەپ اتاپ ٶتتٸ ۇلتتىق بانك تٶراعاسىنىڭ ورىنباسارى.
