كەسٸپكەرلەر ٷشٸن ەكٸمشٸلٸك جٷكتەمە تٶمەندەتٸلدٸ. بۇل تۋرالى قر ۇلتتىق ەكونوميكا مينيسترٸ رۋسلان دەلەنوۆ مەلٸم ەتتٸ, دەپ حابارلايدى قازاقپارات.
«2020 جىلعى 1 قاڭتاردان باستاپ ميكرو جەنە شاعىن بيزنەسكە قاتىستى تەكسەرۋلەردٸ جٷرگٸزۋگە ٷش جىلدىق موراتوريي قولدانىلادى. 100 مىڭعا جۋىق تەكسەرۋ جٷرگٸزٸلمەيدٸ. بۇل ەكٸمشٸلٸك جٷكتەمەنٸ ازايتۋعا مٷمكٸندٸك بەرٸپ, بيزنەس جٷرگٸزۋدەگٸ تۇراقتىلىققا ىقپال ەتەدٸ», - دەدٸ دەلەنوۆ جۇما كٷنٸ پارلامەنتتٸك تىڭداۋدا.
ۇلتتىق ەكونوميكا مينيسترٸ اتاپ ٶتكەندەي, باسقا دا سالىقتىق تەكسەرۋلەر 1 ماۋسىمعا دەيٸن توقتاتىلدى.
«بيزنەسكە ارنالعان ٷكٸمەت» ونلاين-پلاتفورماسى نەگٸزٸندە مەملەكەت پەن بيزنەستٸڭ ٶزارا ٸس-قيمىلىنىڭ جاڭا فورماتى ٸسكە قوسىلدى. ەكٸ جٷزگە جۋىق مەملەكەتتٸك قىزمەت پەن مەملەكەتتٸك قولداۋ شاراسى ۇسىنىلادى. ٶز بيزنەسٸن دامىتۋ مەسەلەسٸ بويىنشا قىزمەتتەردٸڭ بارلىق سپەكترٸن ونلاين-رەجيمدە پايدالانۋعا بولادى.
11 ٶڭٸردە تولىق فورماتتى وفلاين كەڭسەلەر جۇمىس ٸستەيدٸ.
مينيستردٸڭ ايتۋىنشا, 2021 جىلعا قاراي بيزنەسكە ارنالعان بارلىق قىزمەتتەردٸ ونلاين-پلاتفورمادا تولىق ينتەگراتسييالاۋدى قامتاماسىز ەتۋ جەنە التى ٶڭٸردە وفلاين كەڭسەلەردٸ ٸسكە قوسۋ جوسپارلانۋدا. بۇل بيزنەستٸڭ بارلىق قىزمەتٸن ەلەكتروندى تولىق قامتۋدى قامتاماسىز ەتەدٸ.
بيىل بيزنەس-احۋالدى جاقسارتۋعا باعىتتالعان رەفورمالاردىڭ 8-شٸ پاكەتٸ قابىلداندى. بٸرقاتار قىزمەتتەر ەلەكتروندى فورماتقا اۋىستىرىلدى, جىلجىمايتىن مٷلٸك مەمٸلەلەرٸنٸڭ قاۋٸپسٸزدٸگٸ ارتتىرىلدى, قۇرىلىس كەزٸندەگٸ بٸرقاتار تالاپ الىنىپ تاستالدى.
«بيىل بيزنەسپەن كەرٸ بايلانىس كٷشەيتٸلدٸ. وسى كەزەڭدە بۇل ماڭىزدى. كەسٸپكەرلەر تاراپىنان كەلٸپ تٷسەتٸن مەسەلەلەر تۇراقتى نەگٸزدە قارالادى», - دەدٸ رۋسلان دەلەنوۆ.
