قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين ەلەۋمەتتٸك ماڭىزى باسىم تاۋار مەن جەتەكشٸ قۋات كٶزدەرٸن مامانداندىرىلعان ەلەكتروندى الاڭدا ساتۋدىڭ تەۋەكەلدەرٸ كٶپ ەكەنٸن مەلٸم ەتتٸ, دەپ حابارلايدى قازاقپارات.
اگەنتتٸك تٶراعاسى Facebook-تەگٸ پاراقشاسىندا جىل باسىندا سۇيىتىلعان گاز باعاسى قالاي ىرىق بەرمەي كەتكەنٸن تٷسٸندٸرۋگە تىرىستى.
«سۇيىتىلعان مۇناي گازىنىڭ ساۋداسى مامانداندىرىلعان ەلەكتروندىق الاڭدا جٷردٸ. ەنەرگەتيكا مينيسترلٸگٸ سۇيىتىلعان گاز ساۋداسىنىڭ جەكەلەگەن قاعيدالارىن ەزٸرلەدٸ. بۇل رەتتە وتىن-ەنەرگەتيكا كەشەنٸنٸڭ باسقا دا تاۋارلارى, مىسالى, بەنزين, ديزەل وتىنى, اۆياكەروسين جەنە كٶمٸر بيرجالىق تاۋارلار تٸزبەسٸنە ەنگٸزٸلدٸ.
وسى تاۋار پوزيتسييالارى بويىنشا بيرجالىق ساۋدا-ساتتىقتى الدىن الا ٶتكٸزۋ ٷشٸن قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ جانىنان مەملەكەتتٸك ورگاندار, نارىق سۋبەكتٸلەرٸ جەنە ينفراقۇرىلىمدىق ۇيىمدار ٶكٸلدەرٸنەن تۇراتىن بيرجالىق كوميتەت, كونسۋلتاتيۆتٸك-كەڭەسشٸ ورگان قۇرىلدى», - دەپ ەسكە الادى اگەنتتٸك باسشىسى.
سەرٸك جۇمانعاريننٸڭ ايتۋىنشا, سۇيىتىلعان گاز ارنايى ەلەكتروندىق ساۋدا الاڭىندا ساتىلعاندىقتان, ول كٷرت قىمباتتاعان كەزدە ساۋدانى ۋاقىتشا توقتاتى تۇرۋ مٷمكٸن بولماعان. ٶيتكەنٸ ەنەرگەتيكا مينيسترلٸگٸ ارنايى ەلەكتروندى ساۋدا الاڭىنىڭ ەرەجەسٸن ەزٸرلەگەن كەزدە مۇنداي تەتٸكتٸڭ قاجەتتٸگٸن ەسكەرمەگەن.
«بيرجالىق تاۋارلار ساۋداسىنىڭ سەكتسييالىق ەرەجەسٸنٸڭ باستى ەرەكشەلٸگٸنٸڭ بٸرٸ – بيرجالىق كوميتەت قولايسىز سىرتقى جەنە ٸشكٸ جاعدايلاردا ساۋدا-ساتتىقتى توقتاتا تۇرۋعا قۇقىلى.
مىسالى, بىلتىر ەكٸنشٸ توقساندا مۇناي ٶڭدەۋ زاۋىتىنىن جۇمىسىن توقتاتۋ سالدارىنان وتىن تاپشىلىعى پايدا بولعان كەزدە مۇناي ٶنٸمدەرٸنٸڭ ساۋداسى 2 ايعا ۋاقىتشا توقتاتىلدى. ماۋسىم ايىندا كٶمٸردٸڭ بيرجالىق ساۋدا-ساتتىعى تەرتٸپكە ساي ٶتپەگەنٸنە بايلانىستى ۋاقىتشا توقتاتىلىپ, شٸلدە ايىندا قايتا باستالدى.
سونداي-اق ساۋدا سەسسيياسىندا باعانىڭ ٶزگەرۋٸنٸڭ ىقتيمال دەلٸزٸن + / - 2% دەڭگەيٸندە بەكٸتۋ تۋرالى شەشٸم قابىلداندى. بۇل ساۋدا-ساتتىقتا باعانىڭ ٶسۋٸنە جول بەرمەۋگە مٷمكٸندٸك بەردٸ», - دەيدٸ اگەنتتٸك تٶراعاسى.
ال ەنەرگەتيكا مينيسترلٸگٸ ەزٸرلەگەن سۇيىتىلعان گازدى ساتاتىن ەلەكتروندى ساۋدا الاڭىنىڭ جۇمىس ەرەجەسٸندە مۇنداي تەتٸكتەر بولماعان.
«سۇيىتىلعان گازدى ساتۋ ەرەجەلەرٸنٸڭ بيرجالىق ساۋدادان كەيبٸر ايىرماشىلىقتارى بولدى. مىسالى, باعانىڭ ٶزگەرۋ دەلٸزٸ + / -10% ارالىعىندا اۋىتقىدى.
ونىڭ ٷستٸنە باعا شەكتەن تىس ٶسكەن جاعدايدا ساۋدا-ساتتىقتى توقتاتا تۇرۋ قۇقىعى سيياقتى قۇرالدار بولعان جوق.
مامانداندىرىلعان ساۋدا الاڭىنىڭ بارلىق كەمشٸلٸكتەرٸ نارىق قاتىسۋشىلارىنىڭ نارازىلىعىنا ەكەلدٸ. اگەنتتٸك ەنەرگەتيكا مينيسترلٸگٸنە سۇيىتىلعان مۇناي گازىن ساتۋ ەرەجەلەرٸن ٶزگەرتۋ بويىنشا ۇسىنىستار پاكەتٸن جٸبەردٸ. اگەنتتٸك ۇسىنعان تٷزەتۋلەر جەلتوقسان ايىندا, ساۋدا-ساتتىقتاعى باعا جىلدىڭ باسىمەن سالىستىرعاندا 2 ەسە ٶسكە كەزدە بارىپ قابىلداندى.
تۇتاستاي العاندا, قانداي دا بٸر تاۋار ٷشٸن جەكەلەگەن مامانداندىرىلعان ساۋدا الاڭدارىن قۇرۋدىڭ ورىنسىزدىعىن اگەنتتٸك پەن ەنەرگەتيكا مينيسترلٸگٸ بيرجالىق ساۋدانى دامىتۋ مەسەلەلەرٸ جٶنٸندەگٸ زاڭ جوباسىن ەزٸرلەۋ بارىسىندا ەسكەردٸ», - دەپ تٷسٸندٸردٸ سەرٸك جۇمانعارين.
