سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ ەل سپورتىنداعى سوڭعى جاڭالىقتارعا پٸكٸر بٸلدٸردٸ, دەپ حابارلايدى قازاقپارات.
«بٷگٸن بۇل جەرگە جاعىمدى سەبەپپەن جينالىپ وتىرمىز. جانسايا ەبدٸمەلٸكتٸ وسى جەتٸستٸگٸمەن قۇتتىقتايمىن جەنە قۇرمەتٸمدٸ بٸلدٸرگٸم كەلەدٸ. قازاقستان سپورتىنداعى سوڭعى جاڭالىقتار بٸز ٷشٸن جاعىمدى بولعانىن ايتقىم كەلەدٸ. بوكستان ٶتكەن ازييا چەمپيوناتىنان باستاساق, جالپىكوماندالىق ەسەپتە قازاقستان قۇراماسى بٸرٸنشٸ ورىنعا يە بولدى. ەيەلدەر قۇراماسى 8 التىن مەدال جەڭٸپ الدى. ٶكٸنٸشكە قاراي, ەرلەر قۇراماسىنىڭ نەتيجەسٸ سونشالىقتى تابىستى بولعان جوق. بٸراق لايىقتى شەبەرلٸك پەن ساپا كٶرسەتتٸ دەۋگە بولادى», - دەدٸ كوميتەت باسشىسى.
سەرٸك سەپيەۆ «رولان گارروس» تۋرنيرٸندە قازاقستاننىڭ اتىنان ٶنەر كٶرسەتٸپ جاتقان تەننيسشٸلەردٸڭ جەتٸستٸگٸنە دە توقتالدى.
«ەلەنا رىباكينا قازاقستان تاريحىندا العاش رەت ەلەمنٸڭ بۇرىنعى ٷزدٸك راكەتكاسى سەرەنا ۋيليامستى جەڭدٸ. اندرەي گولۋبەۆ پەن الەكساندر بۋبليك تە اتالعان تۋرنيردٸڭ شيرەك فينالىنا ٶتٸپ وتىر», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
كوميتەت باسشىسى حوككەي قۇراماسىنىڭ توپتىق كەزەڭنٸڭ سىن ساعاتىندا مٷمكٸندٸكتٸ قولدان جٸبەرٸپ العانىن دا ەسكە سالدى.
«حوككەيشٸ جٸگٸتتەرٸمٸز ەلەم چەمپيوناتىنىڭ پلەي-وفف كەزەڭٸنە بٸر اتتام جەردەن قايتقانىن بٸلەسٸزدەر. دەگەنمەن, بۇل دا ٷلكەن جەتٸستٸك. سوڭعى جاڭالىق - دزيۋدوشى عۇسمان قىرعىزباەۆ ەلەم چەمپيوناتىندا كٷمٸس مەدال جەڭٸپ الدى. بارلىق سپورتشىلارىمىزدى قۇتتىقتايمىن. ەرينە, جانسايا ەبدٸمەلٸكتٸڭ جەڭٸسٸ ەرەكشە! سٸز ەرلەر اراسىندا حالىقارالىق گروسسمەيستەر بولدىڭىز. الدا بۇدان دا ٷلكەن جەتٸستٸكتەرگە جەتٸپ, ەلٸمٸزدٸڭ يميدجٸ ٷشٸن ٷلكەن نەتيجەلەرگە جەتۋٸڭٸزگە تٸلەكتەسپٸن», - دەدٸ سەرٸك سەپيەۆ.
