ەكس-پرەمەر سەرٸك احمەتوۆتٸڭ جازا مەرزٸمٸ راقىمشىلىققا بايلانىستى قىسقاردى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ. اباي اۋداندىق سوتى قاراباس اۋىلىنداعى 159/18 كولونيياسىندا راقىمشىلىق مەسەلەسٸن جابىق تەرتٸپتە قارادى.
"سەرٸك احمەتوۆكە قاتىستى ٶتەلمەگەن جازاسىنىڭ قالعان تٶرتتەن بٸر بٶلٸگٸن "قر تەۋەلسٸزدٸگٸنٸڭ 25 جىلدىعىنا بايلانىستى راقىمشىلىق جاساۋ تۋرالى" قر زاڭىنىڭ كٷشٸنە ەنۋٸنە بايلانىستى قىسقارتۋ تۋرالى ٶتٸنٸش كەلٸپ تٷستٸ. ٶتٸنٸش احمەتوۆتٸڭ ٶتٸنٸشٸنە بايلانىستى تٷسٸرٸلگەن. سوتتالعان سەرٸك احمەتوۆتٸڭ ٶتەلمەگەن جازاسىنىڭ تٶرتتەن بٸر بٶلٸگٸ, ياعني 1 جىل 7 اي 11 كٷنگە قىسقارتىلدى, - دەپ حابارلادى Tengrinews.kz تٸلشٸسٸنە اباي اۋداندىق سوتىنىڭ باق جٶنٸندەگٸ كوورديناتورى ارداق جۇماشەۆ.
سوتتاعىلاردىڭ ايتۋىنشا, سەرٸك احمەتوۆتٸڭ ەندٸگٸ جازاسىنىڭ مەرزٸمٸ - 4 جىل 10 اي.
ەسكە سالايىق, سوتتالعان سەرٸك احمەتوۆ مەملەكەتكە كەلتٸرگەن شىعىننىڭ 2,2 ميلليارد تەڭگەسٸن ٶتەپ قويدى. وسىعان بايلانىستى سوت ونىڭ جازا مەرزٸمٸن ون جىلدان سەگٸز جىلعا دەيٸن قىسقارتتى.
