ەلٸمٸزدٸڭ بۇرىنعى پرەمەر-مينيسترٸ سەرٸك احمەتوۆ بيىل 21 قىركٷيەك كٷنٸ تٷرمەدەن بوساتىلاتىن بولدى. ونىڭ تٷرمەگە قاماۋ جازاسى بوستاندىعىن شەكتەۋ جازاسىنا الماستىرىلماق, دەپ جازادى Today.kz سەنٸمدٸ دەرەككٶزدەرٸنە سٸلتەمە جاساپ.
اقپاراتتىق اگەنتتٸكتٸڭ حابارلاۋىنشا, احمەتوۆ 4 جىل 26 كٷن جازاسىن ٶز ٷيٸندە ٶتكٸزەدٸ. ۆيتسە-پرەمەر قاراعاندى قالاسىنداعى ٷيٸندە تٸركەلگەن. تٷرمەدەن شىققاننان كەيٸن دە دەل وسى ٷيٸندە ٶمٸر سٷرۋٸ تيٸس.
"21 قىركٷيەكتە شەشٸم زاڭدى كٷشٸنە ەنەدٸ. مۇنان كەيٸن ول قاماۋدان بوسايدى. نەگە دەيسٸزدەر مە? سەرٸك احمەتوۆ اك 159/18 تٷرمەسٸندە ٶزٸن تەك جاقسى قىرىنان عانا كٶرسەتە بٸلدٸ. مەملەكەتكە كەلتٸرٸلگەن شىعىندى دا تولىقتاي ٶتەدٸ", - دەيدٸ پورتالدىڭ سەنٸمدٸ دەرەككٶزٸ.
احمەتوۆ تٷرمەدە 4 رەت گراموتا الىپ, ٷلگٸلٸ تەرتٸبٸ ٷشٸن ماراپاتتالعان.
ەسكە سالايىق, سەرٸك احمەتوۆ 2015 جىلدىڭ جەلتوقسان ايىندا 10 جىلعا باس بوستاندىعىنان ايرىلىپ, دٷنيە-مٷلكٸ تەركٸلەندٸ. وعان مەملەكەتتٸڭ قاراجاتىن تالان-تاراجعا سالدى, كەسٸپكەرلٸكپەن زاڭسىز اينالىستى, قىزمەتٸن اسىرا پايدالاندى دەگەن ايىپتار تاعىلعان بولاتىن. 2016 جىلدىڭ ناۋرىزىندا قاراعاندى وبلىستىق سوتىنىڭ اپەللياتسييالىق القاسى ەكس-پرەمەردٸڭ جازاسىن 8 جىلعا دەيٸن قىسقارتتى.
