««بايان سۇلۋ» سەريالى - سەنٸمسٸز, جاساندى, حالىققا كٶرسەتەتٸندەي دەڭگەيدە ەمەس».
قازاقتىڭ كٶرنەكتٸ ساتيرا ساردارى, قازاقستاننىڭ ەڭبەك سٸڭٸرگەن قايراتكەرٸ كٶپەن ەمٸربەك ۇلتتىق ارنادان كٶرسەتٸلٸپ, ٷلكەن داۋعا اينالعان "قوزى كٶرپەش - بايان سۇلۋ" سەريالىنا قاتىستى ٶز پٸكٸرٸن وسىلاي جەتكٸزدٸ, - دەپ حابارلايدى "قازاق ٷنٸ" ۇلتتىق پورتالىنىڭ تٸلشٸسٸ.
- بٸزدٸڭ قازاق كينوسى تاريحىندا دەل وسى "بايان سۇلۋ" سەريالىنداي داۋ-داماي تۋعىزعان سەريال بولعان جوق. نەگە? بۇل جانجال قايدان شىقتى? نەگٸزگٸ سىنشى حالىق ەمەس پە? حالىق - ەلەك. ٶنەردٸ - بٸر قاپ ۇن دەپ قارايتىن بولساق, ۇنىڭدى يلەگەندە كەرەگٸ بٸر جاقتا, كەبەگٸ بٸر جاقتا قالماي ما? وسى سەريالدى ەلەكتەن ٶتكٸزسەك, بۇنىڭ كەرەگٸ شامالى, كەبەگٸ كٶپ دٷنيە. سوندىقتان دا, كٶپشٸلٸك كٶڭٸلٸنەن شىقپاعاننان كەيٸن نارازى.
"حالىق ۇيعارسا, حان تٷيەسٸن سويادى" دەگەن اتالى سٶز بار. وسى سەريالدىڭ اينالاسىندا تەر تٶكپەسە دە, ەڭبەكتەنگەندەرگە, ولاردىڭ شاشباۋىن كٶتەرگەندەرگە ايتارىم - شىن ٶنەردٸ قورلاۋعا بولمايدى!
قازاق حالقى باعزىدان بەرٸ ٶزٸنٸڭ سالت-ساناسىن, ەدەت-عۇرپىن ساقتاپ كەلۋ ارقىلى قازاق بولىپ كەلە جاتقان جوق پا? سەريالدى تٷسٸرۋشٸلەر ەدەبيەتٸمٸزدٸڭ التىن قورىنا اينالعان ۇلى داستانىمىزدى الىپ شىعا الماعان. جٸبەكتەي دٷنيەمٸزدٸ جۇلمالاپ جٷن-جىرعاسىن شىعارعان. ەرقايسىسىنىڭ رٶلٸنە جەكە-جەكە توقتالۋعا بولار ەدٸ, ونى ارتىق ساناپ وتىرمىن. سەبەبٸ, جالپى العاندا سەريال جاساندى, سەنٸمسٸز, حالىققا كٶرسەتەتٸندەي دەڭگەيدە ەمەس.
ال, ەندٸ بٸرەۋلەر شىعىپ "ويباي, ول جىردىڭ بەلەنباي نۇسقاسى بار" دەپ جاتىر. مەيلٸ, قانشا نۇسقاسى بولسا دا, حالىقتىڭ جٷرەگٸندە, كٶكٸرەگٸندە "قوزى-كٶرپەش - بايان-سۇلۋ" جىرى شولپان جۇلدىزداي بٸر عانا نۇسقادا جارقىراپ تۇر. بۇلار سونى جارقىراتا المادى. ونىڭ نەسٸن قورعايدى? ٶمٸردە ەكٸ نەرسە بار: بٸرٸ - قورعاۋ, ەكٸنشٸسٸ - قورلاۋ. جارتى عاسىر بۇرىن تٷسٸرٸلگەن "تاقييالى پەرٸشتە" مەن "قىز جٸبەكتٸ" قاراڭىزشى. قانداي كٶركەم دٷنيە! ال, بايان ەسەنتاەۆانىڭ مىنا سەريالىن ٶزٸنٸڭ جاقتاستارى مەن جاقىندارىنان باسقا جاقتاپ, قولپاشتاپ وتىرعان ادامدى كٶرمەدٸم.
بٸز پروديۋسەردٸڭ مٷددەسٸن ەمەس, ەلدٸڭ, كٶزٸ اشىق كٶرەرمەننٸڭ مٷددەسٸن ويلاۋىمىز كەرەك. ەلدٸڭ مٷددەسٸ - مەملەكەتتٸڭ مٷددەسٸ. مەملەكەت مٷددەسٸ مەن مەنمەندٸك مٷددە دەگەن ەكەۋٸ ەكٸ تٷرلٸ. بٸزدٸ قۇرتاتىن وسى مەنمەندٸك مٷددە. اتىم شىققان دەپ, وسىلاي جاساۋعا بولا ما?
ەل اۋزىندا مىنانداي ەفسانا بار: "قوتىر ەشكٸ ايتقان ەكەن: "مەنٸ كٸم سويسا دا, قاساپشى سويسا ەكەن" دەگەن. بۇلار قازاق كينوسىنىڭ قاساپشىسى دا بولا المادى.
قازاقتا "تۇششىمدى" دەگەن ۇعىم بار. شەگەن قۇدىقتىڭ سۋىنان ارتىق سۋ جوق. ال, قازٸر "كوكا-كولا" سەكٸلدٸ بەر جاعى جىلتىراپ تۇرعان, ار جاعى مەيٸرٸڭدٸ قاندىرمايتىن قۇر تەتتٸ سۋ كٶپ. ونىمەن حالىقتىڭ مەيٸرٸن قاندىرا المايسىڭ. بۇلار سول "كوكا-كولا" سەكٸلدٸلەر عوي.
ۇقساس جازبا: باياننىڭ əكەسٸ قىزىن cىناعاندارعا جاۋاپ بەردٸ
.jpg)