سەناتتا بالالاردى قورلاۋدان قورعاۋ ٷشٸن قوسىمشا شارالار قابىلداۋ ۇسىنىلدى. دەپۋتات رىسقالي ەبدٸكەروۆ ٶزٸنٸڭ دەپۋتاتتىق ساۋالىندا كٶڭٸل كٶنشٸتپەيتٸن ستاتيستيكانى مەلٸم ەتتٸ, دەپ حابارلايدى قازاقپارات.
دٷنيەجٷزٸلٸك دەنساۋلىق ساقتاۋ ۇيىمىنىڭ دەرەكتەرٸ بويىنشا, سوڭعى 5 جىلدا قازاقستان ٶز-ٶزٸنە قول جۇمساۋ دەڭگەيٸ بويىنشا, ونىڭ ٸشٸندە 15-17 جاس ارالىعىنداعى توپتا ەلەم ەلدەرٸنٸڭ وندىعىنا كٸرەدٸ.
«عالىمدار مەن ساراپشىلاردىڭ سوڭعى زەرتتەۋ قورىتىندىلارىنا قاراعاندا, جاسٶسپٸرٸمدەردٸڭ 17 پايىزى مەكتەپتە ايىنا بٸر نەمەسە بٸرنەشە رەت قىسىمعا ۇشىرايدى ەكەن. ٷيدەن تىس جەردە زەبٸر كٶرٸپ, ونى اتا-اناسىنان, مۇعالٸمٸنەن جاسىرىپ, ٶز پروبلەماسىمەن جەكە قالعان بالا اۋىر پسيحولوگييالىق داعدارىسقا ۇشىراپ, سترەستٸك جاعدايدى باستان كەشەدٸ جەنە ونىڭ سوڭى ورنى تولماس جاعدايلارعا سوقتىرىپ جٷر. سۋيتسيديالدىق مٸنەز-قۇلىقتىڭ ەتيولوگيياسىندا جالپى پايدالانۋداعى تەلەكوممۋنيكاتسييالىق-اقپاراتتىق جٷيەلەردە ٶزٸنە-ٶزٸ قول جۇمساۋدى ناسيحاتتاپ, بالالاردى سۋيتسيدكە يتەرمەلەۋ اقپاراتتارىنىڭ تىيىلماي ورنالاسۋىنىڭ بارعان سايىن نەگٸزگٸ رول ويناپ وتىرعانى الاڭداتادى»,- دەدٸ دەۋپتات ٷكٸمەت باسشىسىنىڭ ورىنباسارى ەرالى توعجانوۆتىڭ اتىنا جولداعان ساۋالىندا.
رىسقالي ەبدٸكەروۆ قاسىم-جومارت توقاەۆ 2022 جىلدى قازاقستاندا بالالار جىلى دەپ جارييالاعانىن اتاپ ٶتتٸ. ٶز كەزەگٸندە ەڭگٸمە مەرەكەلٸك ٸس-شارالار ۇيىمداستىرۋدا ەمەس, ەڭ الدىمەن, دەنساۋلىق ساقتاۋ, بٸلٸم بەرۋ جەنە ەلەۋمەتتٸك قامسىزداندىرۋ سالاسىنداعى ۋەكٸلەتتٸ ورگانداردىڭ بالانى قورعاۋعا باعىتتالعان ناقتى شارالارى تۋرالى بولۋى تيٸس.
دەپۋتات قازٸر مەكتەپتەردە پسيحولوگتاردىڭ نەتيجەلٸ جۇمىس ٸستەۋٸنە جاعداي جاساۋ, بالالاردىڭ مازاسىزدانۋ دەڭگەيٸن, سۋيتسيدكە بەيٸمدٸلٸگٸنٸڭ العاشقى بەلگٸلەرٸن انىقتاۋعا جەنە دەر كەزٸندە شارالار قابىلداۋعا باعىتتالعان بالالارمەن جۇمىستىڭ ناقتى باعدارلاماسىن قالىپتاستىرۋ ماڭىزدى دەپ ەسەپتەيدٸ.
«قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرۋ ەنگٸزٸپ, بٸلٸم بەرۋ ۇيىمىنىڭ باسشىسى بٸلٸم بەرۋ پروتسەسٸنە قاتىسۋشىعا بايلانىستى بۋللينگ/كيبەربۋللينگ جاعدايلارى تۋرالى ۋەكٸلەتتٸ ورگاندارعا حابارلاماعانى ٷشٸن جاۋاپكەرشٸلٸك ەنگٸزۋ قاجەت. مەكتەپتەردە وقۋشىلاردىڭ ٶزارا جانجالداسۋى مەن تەكەتٸرەسٸنٸڭ, باسقا دا قۇقىق بۇزۋشىلىقتىڭ الدىن-الۋ ٷشٸن ەلەۋمەتتٸك وڭالتۋ مەن تاتۋلاستىرۋ قىزمەتتەرٸن قۇرۋ ماڭىزدى», - دەدٸ دەپۋتات.
