قر پارلامەنتٸ سەناتىنىڭ دەپۋتاتى مارات تاعىموۆ ٶز ەرٸپتەستەرٸ اتىنان ەل پرەمەر-مينيسترٸ باقىتجان ساعىنتاەۆقا دەپۋتاتتىق ساۋال جولدادى, دەپ حابارلايدى قازاقپارات.
«قۇرمەتتٸ باقىتجان ەبدٸرۇلى! بٷگٸنگٸ كٷنٸ قازاقستاننىڭ بٸرنەشە ٶڭٸرٸن سۋ اپاتى الىپ وتىر. رەسمي اقپاراتقا سەيكەس, ەلٸمٸزدٸڭ ورتالىق جەنە سولتٷستٸك ٶڭٸرلەرٸندە سۋ تاسقىنى 11 سەۋٸردەن باستاپ بەلەڭ الدى. اقمولا, اقتٶبە, قاراعاندى, قوستاناي, پاۆلودار, سولتٷستٸك قازاقستان وبلىستارىنىڭ بٸرقاتار ەلدٸ مەكەندەرٸ مەن جولداردى ەرٸگەن قار سۋى شايىپ كەتە جازدادى. وتانداستارىمىز ٷيٸنەن, بار جيعان-تەرگەنٸنەن ايىرىلىپ, بەس مىڭنان استام ٷي قوجايىندىقتارى قۇلار الدىندا, مىڭداعان قازاقستاندىق وسىنداي قيىن جاعدايعا دۋشار بولىپ وتىر. جەرگٸلٸكتٸ اتقارۋشى بيلٸك پەن قۇزىرلى مەملەكەتتٸك ورگاندار جىل باسىنان باستاپ دەپۋتاتتار الدىندا تاسقىن سۋدىڭ الدىن-الۋ شارالارىنا قىرۋار قارجى بٶلۋدٸ قورعايدى. الايدا, جىل سايىن وسىنداي جاعداي قايتالانىپ, سۋ تاسقىنى بٸز ٷشٸن ٷيرەنشٸكتٸ تٶتەنشە جاعدايعا اينالدى», - دەپ اتاپ ٶتتٸ سەناتور.
ونىڭ ايتۋىنشا, تٶتەنشە جاعداي باستالعاننان بەرٸ اقمولا وبلىسىنا قاراستى اتباسار قالاسىندا 454 ٷي سۋعا كەتٸپ, 1379 ادام كٶشٸرٸلگەن, سولتٷستٸك قازاقستان وبلىسىندا 400-دەن استام ٷي سۋ استىندا قالۋ قاتەرٸندە, اقتٶبە وبلىسىندا 500-دەن استام تۇرعىن ٷي سۋ استىندا قالعان. «ال قۇزىرلى مەملەكەتتٸك ورگاندار بولسا, وسىنداي جاعداي اقمولا, اقتٶبە, قاراعاندى, قوستاناي, جامبىل وبلىستارىنداعى سۋ قويمالارىنا تاسقىن جەنە ەرٸگەن قار سۋى تولاسسىز اعىپ كەلۋٸنە بايلانىستى اعىزاتىن سۋدىڭ مٶلشەرٸن سەل قوسۋ قاجەت بولۋى سەبەبٸنەن ەلدٸ مەكەندەر مەن اۆتوجولداردى سۋ باستى دەپ قولدارىن قۋسىرىپ وتىر. ەندٸگٸ بٸزدٸڭ ساۋالىمىز: نەلٸكتەن وسى كٷنگە دەيٸن قۇزىرلى ورگانداردىڭ جاۋاپتى قىزمەتكەرلەرٸ ٶزٸنٸڭ كەسٸبي شەڭبەرٸنٸڭ تارلىعىن تابيعي اتاكليزمدەرٸمەن جاسىرىپ كەلەدٸ? ولاردىڭ جاۋاپ بەرەتٸن كٷنٸ كەلە مە? ەدٸلەتتٸك ٷشٸن اتاپ كەتۋٸمٸز دە جٶن, بٷگٸنگٸ تاڭدا تٶتەنشە جاعداي كوميتەتٸنٸڭ ازاماتتارى ٶز بورىشىن ادال ورىنداپ كەلەدٸ. بٸراق زارداپ شەككەن تۇرعىنداردىڭ كٶپتەگەن ميلليون شىعىنىن كٸم ٶتەيدٸ? ەل امان, جۇرت تىنىشتا بۇنداي جاعدايعا جەرگٸلٸكتٸ بيلٸكتەگٸ ازاماتتار قالاي جول بەرگەن?», - دەدٸ تاعىموۆ.
سەناتوردىڭ ايتۋىنشا, وسى رەتتە وتانداستارىمىزدى تولعاندىرىپ وتىرعان ەكٸ مەسەلە تۋىنداپ وتىر.
«بٸرٸنشٸدەن, قيىن جاعدايعا دۋشار بولعان جەرلەستەرٸمٸزگە ٷكٸمەت تاراپىنان قانداي جەردەم كٶرسەتٸلەدٸ? ەكٸنشٸدەن, بۇنداي جاعداي قايتا ورىن الماس ٷشٸن ٷكٸمەت قانداي شارالار قولعا الماق? قۇرمەتتٸ باقىتجان ەبدٸرۇلى, جوعارىدا باياندالعاندى جەنە قوزعالعان مەسەلەلەردٸڭ ماڭىزدىلىعىن ەسكەرە وتىرىپ, وسى ساۋال بويىنشا تيٸستٸ شارالاردى قابىلداۋىڭىزدى سۇرايمىز», - دەپ اتاپ ٶتتٸ ول.
