پارلامەنت سەناتىنىڭ دەپۋتاتتارى ٷكٸمەتتەن شارۋالارعا ارنالعان ديزەل وتىنىنىڭ 50 پايىزعا دەيٸن ارزانداتۋدى ۇسىندى. وسى پروبلەما بويىنشا سەناتورلار ٷكٸمەت باسشىسىنا دەپۋتاتتىق ساۋال جولداپ وتىر, دەپ حابارلايدى "ۇلت اقپارات".
«كٶكتەمگٸ دالا جۇمىستارىنا بٶلٸنگەن جەڭٸلدەتٸلگەن جانار-جاعار مايدىڭ باعاسى ەلٸ دە قىمبات. سوڭعى ەكٸ ايدىڭ كٶلەمٸندە ەلەمدەگٸ مۇناي باعاسى 2-2,5 ەسە تٶمەندەدٸ. ال بٸزدٸڭ مۇناي ٶڭدەۋ زاۋىتتارىنان شىعارىلاتىن ديزەلدٸك وتىننىڭ باعاسى 10 پايىزعا عانا ارزانداعان. بيىلعى جىلدىڭ 1 ناۋرىزىنا ديزەل وتىنىنىڭ 1 تونناسى 194 مىڭ تەڭگە بولسا, بٷگٸن 174 مىڭ تەڭگەنٸ قۇراپ وتىر. ياعني 1 ليترٸنە 145 تەڭگەدەن كەلەدٸ. ولاي بولسا اۋىلشارۋاشىلىعى تاۋار ٶندٸرۋشٸلەرٸ نەگە 165 تەڭگەدەن الۋى كەرەك?» - دەدٸ ونلاين رەجٸمدە ٶتكەن سەنات وتىرىسىندا دەپۋتاتتىق ساۋالدى وقىعان سەناتور ەلي بەكتاەۆ.
سەناتورلاردىڭ پايىمداۋىنشا كٶكتەمگٸ دالا جۇمىستارى ٷشٸن ارزانداتىلعان جانار-جاعار مايدىڭ باعاسى كٶشەدەگٸ ماي قۇيۋ بەكەتتەرٸندەگٸ ەمەس, مۇناي ٶڭدەۋ زاۋىتتارىنداعى باعادان 15 پايىزعا تٶمەن بولۋى تيٸس.
«قازٸرگٸ قيىن-قىستاۋ كەزەڭدە مەملەكەتٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن مۇناي ٶڭدەۋ زاۋىتتارىنىڭ اكتسيونەرلەرٸ دە, تيٸستٸ مينيسترلٸك باسشىلارى دا ٶزٸنٸڭ ازاماتتىق پوزيتسييالارىن تانىتۋى قاجەت دەپ ەسەپتەيمٸز. وسىلاردىڭ بارلىعىن ەسكەرە وتىرىپ, قر ٷكٸمەتٸنە كٶكتەمگٸ دالا جۇمىستارىنا بٶلٸنەتٸن جانار-جاعار مايدىڭ باعاسىن 50 پايىزعا دەيٸن ارزانداتىپ, شارۋالارعا ۋاقتىلى جەتكٸزۋدٸڭ مٷمكٸندٸكتەرٸن قاراستىرۋدى ۇسىنامىز», - دەيدٸ ەلي بەكتاەۆ.
