پارلامەنت سەناتى اگرارلىق مەسەلەلەر, تابيعاتتى پايدالانۋ جەنە اۋىلدىق اۋماقتاردى دامىتۋ كوميتەتٸ ەلٸمٸزدٸڭ ۇلتتىق ەكونوميكا, اۋىل شارۋاشىلىعى, يندۋسترييا جەنە ينفراقۇرىلىمدىق دامۋ مينيسترلٸكتەرٸنٸڭ باسشىلارىمەن كەزدەسٸپ, «اۋىل-ەل بەسٸگٸ» ارنايى جوباسىن جٷزەگە اسىرۋ بارىسىن تالقىلادى, دەپ حابارلايدى "ۇلت اقپارات" جوعارى پالاتانىڭ باسپاسٶز قىزمەتٸنە سٸلتەمە جاساپ.
«كٶپتەگەن اۋىلداردىڭ, ەسٸرەسە شەكاراداعى اۋىلدىق جەرلەردٸڭ «اۋىل-ەل بەسٸگٸ» جوباسىنا ەنبەگەنٸ بٸزدٸ تولعاندىرىپ وتىر. ول جەردە دە بٸزدٸڭ ازاماتتارىمىز تۇرادى, ولار دا مەكتەپتەر مەن اۋرۋحانالارعا مۇقتاج», - دەدٸ كوميتەت تٶراعاسى ەلي بەكتاەۆ.
ۇلتتىق ەكونوميكا مينيسترٸنٸڭ ورىنباسارى ەرمەك الپىسوۆتىڭ ايتۋىنشا, 2027 جىلعا دەيٸن جوبانى جٷزەگە اسىرۋعا 900 ملرد تەڭگە بٶلٸنەدٸ. ونىڭ 70 پايىزى رەسپۋبليكالىق بيۋدجەتتەن, قالعان 30 پايىزى جەرگٸلٸكتٸ بيۋدجەتتەن بولادى. ەكٸمدٸكتەرمەن بٸرلەسە وتىرىپ, جىل سوڭىنا دەيٸن اۋىلدىق اۋماقتار مەن ەلدٸ مەكەندەردٸڭ تٸزٸمٸ جاڭارتىلادى.
«جوسپار بويىنشا 2027 جىلعا دەيٸن «اۋىل-ەل بەسٸگٸ» جوباسىن جٷزەگە اسىرۋ قورىتىندىسى بويىنشا 7 ميلليون اۋىل تۇرعىنىنىڭ ەل-اۋقاتى جاقسارىپ, اۋىز سۋمەن, دامىعان ينفراقۇرىلىممەن قامتاماسىز ەتٸلەدٸ», - دەپ سەندٸردٸ ە. الپىسوۆ.
اگرارلىق مەسەلەلەر, تابيعاتتى پايدالانۋ جەنە اۋىلدىق اۋماقتاردى دامىتۋ كوميتەتٸنٸڭ تٶراعاسى ەلي بەكتاەۆ ٶز كەزەگٸندە مينيسترلٸك ٶكٸلدەرٸنە ەلدٸ مەكەندەرگە بارىپ, بٶلٸنگەن قاراجاتتىڭ يگەرٸلۋٸن تەكسەرۋ جٶنٸندە كەڭەس بەردٸ. سەناتور سونداي-اق كوميتەت باعدارلامانىڭ ورىندالۋىنا مونيتورينگ جٷرگٸزەتٸنٸن اتاپ ٶتتٸ.
