اۆتوماگيسترالدار قۇرىلىسى كەزٸندە جانۋارلار ٷشٸن ارنايى تابيعي جاعدايعا جاقىن كٶپٸر نەمەسە جەراستى ٶتكەلدەرٸن سالۋىمىز كەرەك. بۇل تۋرالى سەناتتىڭ جالپى وتىرىسىندا تۋريستٸك قىزمەت مەسەلەلەرٸ بويىنشا زاڭ جوباسىن تالقىلاۋ كەزٸندە دەپۋتات اقىلبەك كٷرٸشباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«قارالىپ جاتقان زاڭ جوباسىنا سەيكەس باسىم تۋريستٸك اۋماقتار ۇلتتىق پاركتەردٸڭ شەگٸندە بولۋى مٷمكٸن. كەزٸندە ەلباسىنىڭ تاپسىرماسىمەن قۇرىلعان ەرەكشە قورعالاتىن اۋماقتاردىڭ باستى مٸندەتٸ - بولاشاق ۇرپاعىمىزعا مۇرا رەتٸندە تابيعاتتىڭ بولمىسى مەن بيوالۋانتٷرلٸلٸگٸن ساقتاۋ. قازاقستاندا قىزىل كٸتاپقا ەنگٸزٸلگەن جابايى جانۋارلاردىڭ 40 تٷرٸ, قۇستاردىڭ 57 تٷرٸ مەكەندەيدٸ. كليماتتىڭ ٶزگەرۋٸ, قاۋٸپتٸ اۋرۋلار, انتروپوگەندٸك ەسەرلەر ولاردىڭ پوپۋلياتسيياسىنا كەسٸرٸن تيگٸزۋدە. مەسەلەن, 70-جىلدارى بٸزدە شامامەن 1 ملن 300 مىڭ كيٸك باسى بولسا, ال قازٸر ولاردىڭ بار بولعانى 334 مىڭى عانا قالعان. ونىڭ ٷستٸنە كيٸكتەردٸڭ ەلەمدٸك پوپۋلياتسيياسىنىڭ 90 پايىزى قازاق جەرٸندە مەكەندەيتٸنٸن ەسكەرۋٸمٸز قاجەت. ياعني, قازاقستاندا بۇل كيٸكتٸڭ سانى ازايسا, بٷكٸل ەلەمدە ازايادى دەگەندٸ بٸلدٸرەدٸ», - دەدٸ سەناتور.
ونىڭ ايتۋىنشا, قازٸر بٸزدە 4255 قۇلان, 14650 قاراقۇيرىق, 18460 ارقار جەنە 914 توعاي كەربۇعىسى قالىپ وتىر. جابايى جانۋارلاردىڭ كٶپتەگەن تٷرٸ (كيٸكتەر, قۇلاندار, قاراقۇيرىقتار جەنە ت.ب.) قونىس اۋداراتىن جانۋارلار تٷرلەرٸنە جاتادى. سوندىقتان دا تۋريستٸك قىزمەتتٸڭ, اتاپ ايتساق, شامادان تىس شۋ مەن قوزعالىستىڭ, قۇرىلىس نەتيجەسٸندە تابيعي لاندشافتتاردىڭ ٶزگەرۋٸ جەنە باسقادا جاساندى فاكتورلار جانۋارلار ەلەمٸنٸڭ تىنىشتىعىن بۇزىپ, سترەسس تۋدىرماۋى اسا ماڭىزدى.
«مىسالى, جابايى جانۋارلاردىڭ كٶشٸپ-قونۋى كەزٸندە جٷرٸپ ٶتەتٸن جەكەلەگەن ۋچاسكەلەردە تەمٸر جولداردى, اۆتوماگيسترالداردى سالۋ كەزٸندە بٸز ەكودۋك دەپ اتالاتىن ارنايى تابيعي جاعدايعا جاقىن كٶپٸر (ەستاكادالار) نەمەسە جەراستى ٶتكەلدەرٸن سالۋىمىز كەرەك ەدٸ. ٶكٸنٸشكە قاراي, ونداي ەكودۋكتار ەش جەردە جاسالمادى, بۇل جانۋارلار ەلەمٸنٸڭ ەكوجٷيەسٸنە تەرٸس ەسەرٸن تيگٸزۋدە. سوندىقتان عالىمدار مەن ەكولوگ مامانداردىڭ قاتىسۋىمەن ەرەكشە قورعالاتىن اۋماقتاردا تۋريستٸك قىزمەتتٸ ۇيىمداستىرۋدىڭ ەرەكشەلٸكتەرٸ بويىنشا ارنايى زاڭعا تەۋەلدٸ قۇقىقتىق اكت ەزٸرلەۋدٸ ۇسىنامىن», - دەدٸ كٷرٸشباەۆ.
