پارلامەنت سەناتىنىڭ جالپى وتىرىسىندا دەپۋتات ەرٸك سۇلتانوۆ سولتٷستٸك قازاقستان وبلىسىنداعى اۋىز سۋ مەسەلەسٸن كٶتەردٸ. وسى ورايدا پرەمەر-مينيستر اسقار مامينگە دەپۋتاتتىق ساۋال جولدادى, دەپ حابارلايدى "ۇلت اقپارات".
سەناتور كەلتٸرگەن مەلٸمەتتەرگە سەيكەس, 2,5 مىڭنان استام اۋىلدىق جەردە ەلٸ كٷنگە دەيٸن ساپالى اۋىز سۋ جوق. بۇنىڭ نەگٸزگٸ سەبەبٸ – بيۋدجەتتٸك باعدارلامانىڭ دۇرىس باقىلانباۋى جەنە 2019-2020 جىلدارى بيۋدجەتتەن بٶلٸنگەن قاراجاتتىڭ يگەرٸلمەۋٸ.
«سولتٷستٸك قازاقستان وبلىسىنىڭ سۋ قۇبىرلارىنىڭ 67 پايىزى نەمەسە 1955 كم تولىعىمەن توزعان جەنە توپتىق سۋ قۇبىرلارى جٷيەسٸنٸڭ اقاۋلى تەحنيكالىق جاعدايى تٶتەنشە جاعدايلاردىڭ تۋىنداۋىنا الىپ كەلٸپ وتىر. ولار سولتٷستٸك قازاقستان جەنە قوستاناي وبلىستارىنىڭ 200-دەن استام اۋىلدىق ەلدٸ مەكەندەرٸن سۋمەن قامتاماسىز ەتۋگە قاۋٸپ تٶندٸرٸپ وتىر. ماگيسترالدىق قۇبىرلاردىڭ قاتتى توزۋىنا بايلانىستى تاسىمالداۋ كەزٸندە سۋ شىعىنىنىڭ جالپى كٶلەمٸ 65 پايىزدى قۇرايدى», – دەدٸ سۇلتانوۆ.
سەناتور ٶز سٶزٸندە پروبلەمالىق جوبالاردى دا ايتا كەتتٸ. پرەسنوۆ توپتىق سۋ قۇبىرىن قايتا قالپىنا كەلتٸرۋ جوباسىن ٸسكە اسىرۋ 2014 جىلدان بەرٸ جٷرٸپ جاتىر, الايدا ەلٸ اياقتالعان جوق. 2019 جىلى جۇمىستاردى ورىنداۋ قارقىنىنىڭ تٶمەندٸگٸنە بايلانىستى 2,9 ملرد تەڭگە يگەرٸلمەي, بيۋدجەتكە قايتارىلعان. 2020 جىلى جوبانى جالعاستىرۋعا 1,1 ملرد تەڭگە بٶلٸندٸ, بٸراق بۇل قاراجاتتىڭ دا يگەرٸلمەۋ قاۋپٸ بار.
«وسى مەسەلەنٸڭ ەلەۋمەتتٸك-ەكونوميكالىق ماڭىزدىلىعىن ەسكەرە وتىرىپ, سٸزدەن سولتٷستٸك قازاقستان وبلىسىنىڭ اۋىل حالقىن سۋمەن جابدىقتاۋ پروبلەمالارىن جويۋ بويىنشا تيٸمدٸ شارالار قابىلداۋىڭىزدى جەنە زاڭنامادا بەلگٸلەنگەن تەرتٸپپەن جازباشا جاۋاپ بەرۋٸڭٸزدٸ سۇرايمىز», – دەدٸ سەنات دەپۋتاتى ەرٸك سۇلتانوۆ.
