پارلامەنت سەناتىنىڭ جالپى وتىرىسىندا دەپۋتات مۇرات باقتييارۇلى جوعارى بٸلٸم سالاسىنداعى ٶزەكتٸ مەسەلەلەردٸ اتادى, دەپ حابارلايدى قازاقپارات تٸلشٸسٸ.
«قازٸر ەلٸمٸزدە 128 جوعارى وقۋ ورنى بار, ولاردىڭ 82-سٸ ۋنيۆەرسيتەت مەرتەبەسٸنە يە بولىپ وتىر. دامىعان ەۋروپا, وڭتٷستٸك-شىعىس ازييا ەلدەرٸندە 320 مىڭ ادامعا بٸر جوعارى وقۋ ورىنىنان كەلەتٸن بولسا, بٸزدە 141 مىڭ ادامعا بٸر جوو-دان كەلەدٸ», - دەدٸ دەپۋتات.
ونىڭ پايىمىنشا, جوو سانى جٶنٸنەن ەلٸمٸز دٷنيەجٷزٸ بويىنشا الدىڭعى ورىنعا شىققانىمەن, الايدا بەرٸلٸپ جاتقان بٸلٸم ساپاسى كٶڭٸل كٶنشٸتپەيدٸ.
«بٸرٸنشٸدەن, كوممەرتسييالىق وقۋ ورىندارىنىڭ كٶپشٸلٸگٸ ساپالى بٸلٸم بەرە الماي, تەك قارجى جيناۋ قۇرالىنا اينالىپ وتىرعانى شىندىق. بىلتىردان باستاپ ۇلتتىق بٸرىڭعاي تەستٸلەۋدەن 50 بالدان تٶمەن العان كٶپتەگەن تالاپكەرلەر جىل بويى ٷش رەتتەن تەست تاپسىرىپ, وقۋىن جالعاستىرا بەرەتٸن بولدى. بۇل تالاپكەرلەر نەگٸزٸنەن 11 جىل بويى مەكتەپتە ناشار بٸلٸم العاندار, ولار ەرتەڭ قانداي مۇعالٸم, دەرٸگەر, ينجەنەر بولماق? دەمەك, جوو-لاردىڭ كٶپشٸلٸگٸ ساپالى بٸلٸمگە ەمەس, تەك ديپلوم بەرۋگە ماشىقتانىپ العان», - دەپ اتاپ ٶتتٸ دەپۋتات.
سونىمەن قاتار سەناتور اۋماقتىق دەڭگەيدەگٸ سۇرانىسقا مەن بەرٸلمەي كادرلار دايىندالىپ جاتقانىن تٸلگە تيەك ەتتٸ. ەڭبەك رەسۋرستارىن دامىتۋ ورتالىعىنىڭ زەرتتەۋٸنە سٷيەنسەك, قازٸرگٸ تاڭدا جۇمىس بەرۋ نارىعىندا نەبەرٸ 30 پايىز جوعارى بٸلٸمدٸ مامان كەرەك بولسا, قالعان 70 پايىز جۇمىس ورىندارىنا كوللەدج بٸتٸرگەندەر قاجەت ەكەن.
«كٶشٸ-قون كوميتەتٸنٸڭ مەلٸمەتٸنە قاراعاندا, سوڭعى 7 جىلدىڭ ٸشٸندە ەلٸمٸزگە كٶرشٸ ٶزبەكستان, قىرعىزستان, تەجٸكستان مەملەكەتتەرٸنەن 6 ملن ەڭبەك ميگرانتى كەلٸپ, قۇرىلىس, اۋىل شارۋاشىلىعى, تۇرمىستىق قىزمەت كٶرسەتۋ سالالارىندا جۇمىس ٸستەپ, وسى بوس ورىنداردى تولتىرعان. بٸز جىل سايىن مەملەكەت جەنە اتا-انالاردىڭ قاراجاتى ەسەبٸنەن قازٸرگٸ نارىققا قاجەت ەمەس ون مىڭداعان جوعارى بٸلٸمدٸ مامانداردى دايارلاپ, جۇمىسسىزدار سانىن قولدان كٶبەيتٸپ وتىرمىز. جىلىنا بٸتٸرٸپ جاتقان وسىنشاما جوعارى بٸلٸمدٸ ديپلومى بار ماماندار ەكونوميكامىزعا قاجەت پە? بۇل مەسەلەنٸ قالاي رەتتەيمٸز?», - دەدٸ م. باقتييارۇلى.
سونىمەن قاتار ول وتاندىق جوو-لاردا قىزمەت ەتەتٸن وقىتۋشىلار مەن پروفەسسورلاردىڭ ەڭبەكاقىسى تٶمەن ەكەنٸن اتاپ ٶتتٸ.
بۇدان بۇرىن حابارلانعانداي, سەناتتىڭ جالپى وتىرىسىندا دەپۋتات باقىتجان جۇماعۇلوۆ قازاقستاننىڭ جوعارى وقۋ ورىندارىندا گرانتتاردىڭ قۇنىن ارتتىرۋ كەرەكتٸگٸن ايتتى.
