بٷگٸن ەلباسى نۇرسۇلتان نازارباەۆتىڭ «بٸرلەسە بٸلگەن ەل بەرٸن جەڭەدٸ» اتتى ماقالاسى جارىق كٶردٸ. وسى ورايدا پارلامەنتٸ سەناتىنىڭ دەپۋتاتى دٷيسەنعازى مۋسين ٶز ويىمەن بٶلٸسكەن بولاتىن, دەپ حابارلايدى قازاقپارات.
«ەلەمدٸ شارپىعان كوروناۆيرۋس پاندەميياسى قاي ەلگە بولسىن وڭايعا تيٸپ وتىرعان جوق. وسىنداي قيىن قىستاۋ جاعدايدا بٸزدە الدىمەن بەرەكە-بٸرلٸك كەرەك. وسىناۋ ەل باسىنا كٷن تۋعان سەتتە قازاقستان رەسپۋبليكاسىنىڭ تۇڭعىش پرەزيدەنتٸ, ەلباسى نۇرسۇلتان نازارباەۆ ٶز ٷندەۋٸن جولداپ وتىر. بٸز ەلباسى ايتقانداي, بۇدان دا قيىن تالاي زاماندى باستان كەشٸردٸك. وداق ىدىراپ, تەۋەلسٸز ەل بولعان جىلدارى تالاي قيىندىق باستان ٶتتٸ. بٸراق ەلباسىنىڭ ساليقالى ساياساتىنىڭ ارقاسىندا بٷگٸنگٸدەي دامۋ دەڭگەيٸنە جەتٸپ وتىرمىز», - دەدٸ د. مۋسين.
سەناتوردىڭ پٸكٸرٸنشە, بٷگٸندە ەلەمگە قاۋٸپ تٶنٸپ وتىرعان سىن ساعاتىندا الدىمەن حالىقتىڭ ٸشكٸ ىنتىماعى بەرٸك بولۋى تيٸس.
«بٷگٸندە مەملەكەت باسشىسى قاسىم-جومارت توقاەۆتىڭ تاپسىرماسىمەن, ٷكٸمەتتٸڭ شەشٸمٸمەن ەل اماندىعى مەن ەكونوميكاسىن ساقتاۋ ماقساتىندا شۇعىل شارالار قابىلدانىپ جاتىر. ونىڭ ٸشٸندە شاعىن جەنە ورتا بيزنەس پەن اۋىل شارۋاشىلىعى سالاسىنا باسا نازار اۋدارىلىپ, قولداۋ كٶرسەتٸلۋدە», - دەدٸ ول.
سونىمەن قاتار, سەناتور اۋىل شارۋاشىلىعى مەن بيىلعى ەگٸستٸك جاعدايىنا قاتىستى ٶز پٸكٸرٸن العا تارتتى.
«بٸزدە اۋىل شارۋاشىلىعىنا قاجەتتٸ رەسۋرستاردىڭ بەرٸ بار. پرەزيدەنت تاياۋدا عانا ٶز ٷندەۋٸندە جانار-جاعار ماي باعاسىن تٶمەندەتۋ, اۋىل شارۋاشىلىعىنا قوسىمشا قارجى بٶلۋ جۇمىستارىن ٷكٸمەتكە ناقتى تاپسىردى. بيىلعى ەگٸستٸك ويداعىداي بولادى دەگەن سەنٸمدەمٸز. بۇل دەگەنٸمٸز ەرتەڭگٸ كٷنگٸ ازىق-تٷلٸك قاۋٸپسٸزدٸگٸمٸزدٸ قامتاماسىز ەتۋ دەگەن سٶز», - دەدٸ دەپۋتات.
ونىڭ ايتۋىنشا, ەلباسى ٶز ٷندەۋٸ ارقىلى ەلٸنە ودان ەرٸ دامۋ باعىتىن كٶرسەتٸپ وتىر.
«وسىنداي سىن ساعاتىندا ەلباسى حالقىنا باتاسىن بەردٸ, جول كٶرسەتٸپ, بٸزدە بار مٷمكٸندٸكتەرگە باسا نازار اۋداردى», - دەدٸ د.مۋسين.
.jpeg)