سەناتور ناريمان تٶرەعاليەۆ ەلٸمٸزدٸڭ پرەمەر-مينيسترٸنە جولداعان دەپۋتاتتىق ساۋالىندا باتىس قازاقستان وبلىسىنىڭ وڭتٷستٸگٸندەگٸ 4 اۋداننىڭ, ونىڭ ٸشٸندە بٶكەي ورداسى, جەنٸبەك, قازتالوۆ, جاڭاقالا اۋداندارىنىڭ تۇرعىندارى تاپ بولىپ وتىرعان ٶزەكتٸ مەسەلەنٸ كٶتەردٸ, دەپ حابارلايدى "ۇلت اقپارات".
ونىڭ ايتۋىنشا, قازٸرگٸ ۋاقىتتا ايماقتا سۋمەن جابدىقتاۋ مەسەلەسٸ اسا ماڭىزدى بولىپ وتىر. بۇل ٶڭٸر نەگٸزٸنەن مال شارۋاشىلىعىمەن اينالىسادى جەنە رەسەيدەن سۋ الۋدا. بٷگٸنگٸ تاڭدا ەدٸل ٶزەنٸنەن رەسەيدٸڭ ساراتوۆ, ۆولگوگراد وبلىستارى ارقىلى وبلىستىڭ وڭتٷستٸك ايماقتارىنا اعىپ كەلەتٸن سۋ مٶلشەرٸ ايتارلىقتاي ازايدى. سونىمەن قاتار, جىل سايىن سۋ الۋ شىعىندارى ٶسٸپ كەلەدٸ.
باتىسقازاقستاندىقتاردىڭ ناقتى مۇقتاجدارىنا قوسىمشا 131 ملن تەكشە مەتر سۋ قاجەت.
وبلىس الدىندا تۇرعان نەگٸزگٸ مٸندەتتەردٸڭ بٸرٸ مال باسىن كٶبەيتۋ, ونى ٶڭدەۋ جەنە ەكسپورتتاۋ بولىپ تابىلادى. سۋ تاپشىلىعى بۇل ماقساتتى جٷزەگە اسىرۋعا ايتارلىقتاي كەدەرگٸ كەلتٸرٸپ كەلەدٸ.
«سوڭعى جىلدارى شارۋا قوجالىقتارى مەملەكەتتٸك باعدارلامالاردىڭ كٶمەگٸمەن شەتەلدەن اسىل تۇقىمدى مال ساتىپ الۋدا. بٸراق قازٸرگٸ پروبلەمالاردىڭ كەسٸرٸنەن بارلىق مالدان ايىرىلىپ قالۋ قاۋپٸ بار», - دەيدٸ سەناتور.
ناريمان تٶرەعاليەۆ قارجىلاندىرۋ مەسەلەسٸن دە قوزعادى. دەپۋتاتتىڭ سٶزٸنە قاراعاندا, ٶتكەن جىلى 2021-2023 جىلدارعا ارنالعان رەسپۋبليكالىق بيۋدجەتتٸ بەكٸتۋ كەزٸندە باتىس ٶڭٸرٸنٸڭ تۇرعىندارىنا سۋ جەتكٸزۋ شىعىندارىن ٶتەۋ مەسەلەسٸ قولداۋ تاپپادى.
سەناتور ٶز ساۋالىندا ٷكٸمەت باسشىسىنان بيىلعى جىلدىڭ اقپان-ناۋرىز ايلارىندا بيۋدجەتتٸ ناقتىلاۋ كەزٸندە 131 ملن م3 كٶلەمٸندە سۋ جەتكٸزۋ جٶنٸندەگٸ شىعىستارعا قوسىمشا 3,5 ملرد تەڭگە بٶلۋدٸ سۇرادى. بۇل باتىس قازاقستان وبلىسىندا مال شارۋاشىلىعىن دامىتۋعا مٷمكٸندٸك بەرەتٸن قارجى كٶلەمٸ.
