سەناتور اقمارال ەلنازاروۆا قازاقستاندا بالالار اراسىندا ارتىق سالماق قوسۋ كٶبەيٸپ بارا جاتقانى تۋرالى ايتتى, دەپ حابارلايدى "ۇلت اقپارات".
«قازاقستانداعى بالالار مايلى, قانتى مەن تۇزى كٶپ ٶنٸمدەردٸڭ كٶلەمدٸ ماركەتينگٸنٸڭ ىقپالىندا قالعانىن مويىنداۋ كەرەك. بۇل بٸزدٸڭ بالالاردى اۋقىمدى ماركەتينگ ەسەرٸنەن قورعاۋ جەنە شەكتەۋ قاجەتتٸگٸن كٶرسەتەدٸ», - دەدٸ دەپۋتات سەناتتىڭ جالپى وتىرىسىندا جارييالاعان دەپۋتاتتىق ساۋالىندا.
قازاقستاندىق ۇلتتىق قوعامدىق دەنساۋلىق ساقتاۋ ورتالىعىنىڭ زەرتتەۋشٸلەرٸ مونيتورينگ جٷرگٸزٸپ, مەملەكەتتٸك تەلەديدارداعى تاماق ٶنٸمدەرٸ جارناماسىنىڭ اۋقىمى مەن سيپاتىنا باعا بەردٸ. التى ۇلتتىق تەلەارناداعى, ونىڭ ٸشٸندە بالالار ارناسىنان 10 مىڭنان استام جارناما قارالىپ, شامامەن 370 ساعات ەفير ۋاقىتىن قۇرايتىنى انىقتالدى. سەناتور زيياندى تاماق ٶنٸمدەرٸ مەن الكوگولسٸز سۋسىنداردىڭ ماركەتينگٸ بالالاردىڭ شامادان تىس تولىسۋىنىڭ كٶبەيٸپ كەتۋٸنە تٸكەلەي بايلانىستى دەپ سانايدى.
«ورتاشا العاندا, 8-10 جاس ارالىعىنداعى بالالاردىڭ 25,7 پايىزى تەلەديدار كٶرۋگە ەكٸ نەمەسە ودان دا كٶپ ساعات ۋاقىتى كەتەدٸ جەنە كٷنٸنە شامامەن 13 تاماق جارناماسىن, ال جىلىنا 4 700 جارناما كٶرەدٸ. تەلەديدارداعى بارلىق جارنامانىڭ 32,8 پايىزى ازىق-تٷلٸك ٶنٸمدەرٸنٸڭ جارناماسى. ەڭ جيٸ جارنامالاناتىن تاعام ٶنٸمدەرٸنٸڭ قاتارىندا قۇرامىندا قانتى بار سۋسىندار تۇر, ولاردىڭ مٶلشەرٸ 22 % بولسا, شوكولاد پەن ەنەرگەتيكالىق باتوندارعا قاتىستى 17 پايىز بولدى», - دەدٸ اقمارال ەلنازاروۆا.
سەناتور ەلٸمٸزدٸڭ زاڭنامالىق اكتٸلەرٸنە زيياندى تاماق ٶنٸمدەرٸنٸڭ ماركەتينگٸن شەكتەيتٸن جەنە رەتتەيتٸن, دۇرىس تاماقتانۋ تۋرالى اقپاراتتى بارلىق باق-تا , سونىڭ ٸشٸندە ينتەرنەتتە تولىق كٶلەمدە الۋعا قۇقىق بەرەتٸن تيٸستٸ ٶزگەرٸستەر مەن تولىقتىرۋلار ەنگٸزۋ مٷمكٸندٸگٸن قاراۋدى سۇرادى.
