پارلامەنت سەناتىنىڭ جالپى وتىرىسىندا قازاقستان رەسپۋبليكاسى ەكولوگييالىق كودەكسٸ ەكٸ وقىلىمدا قارالىپ, قابىلداندى, دەپ حابارلايدى "ۇلت اقپارات".
ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸڭ ايتۋىنشا, «لاستاۋشى تٶلەيدٸ» قاعيداتىنىڭ نەگٸزٸنە لاستانۋدى بولدىرماۋ مەن باقىلاۋ بويىنشا ٸس-شارالارى جاتادى. سونىمەن قاتار, قورشاعان ورتاعا تيگەن زالالدى قالپىنا كەلتٸرۋگە قاتىستى جاۋاپكەرشٸلٸك قاراستىرىلعان. وسىلايشا, مەملەكەت تابيعات پايدالانۋشىلارعا ەكولوگييالىق ايىپپۇل تٶلەۋدٸڭ ورنىنا قورشاعان ورتاعا تەرٸس ەسەردٸ بولدىرماۋ جٶنٸندەگٸ بارلىق شارالاردى قابىلداۋ تيٸمدٸرەك بولاتىنداي جاعداي جاساۋى تيٸس.
بۇدان باسقا, ەكولوگييالىق زالال ورىن العان جاعدايدا تابيعات پايدالانۋشى قورشاعان ورتانى باستاپقىدا بولعان قالپىنا كەلتٸرۋگە مٸندەتتٸ.
«ەڭ وزىق قولجەتٸمدٸ تەحنولوگييالاردى ەنگٸزەدٸ دەگەن شارتپەن بٸرٸنشٸ ساناتتاعى وبەكتٸلەر ٷشٸن كەشەندٸ ەكولوگييالىق رۇقساتتارعا كٶشۋ ۇسىنىلادى. سونداي-اق جاڭادان ٸسكە قوسىلاتىن كەسٸپورىندار ٷشٸن كەشەندٸ ەكولوگييالىق رۇقساتتار الۋ مٸندەتتٸلٸگٸ قاراستىرىلدى. ەڭ وزىق قولجەتٸمدٸ تەحنولوگييالاردى ەنگٸزۋدٸڭ ارقاسىندا ەلٸمٸزدەگٸ ەكولوگييالىح احۋال جاقسارادى. بٸرٸنشٸ كەزەڭدە مۇناي-گاز, تاۋ-كەن مەتاللۋرگيياسى, حيمييا جەنە ەلەكتر ەنەرگەتيكاسى سالالارىنا قاتىستى 50 ٸرٸ كەسٸپورىندى ەڭ وزىق قولجەتٸمدٸ تەحنولوگييالارعا اۋىستىرۋ جوسپارلانعان. ايتا كەتەرلٸك, وسى 50 كەسٸپورىنعا جالپى لاستانۋدىڭ 80 پايىزى تيەسٸلٸ», - دەدٸ ماعزۇم مىرزاعاليەۆ.
كودەكستٸڭ جوباسىندا بٸرٸنشٸ ساناتتاعى ٸرٸ كەسٸپورىندارعا قاتىستى قورشاعان ورتاعا ەسەردٸ باعالاۋدى ٶتۋ تۋرالى تالاپ قاراستىرىلدى. ولاردىڭ تٸزبەسٸ قايتا قارالدى جەنە نەگٸزٸنەن ەكولوگييالىق قاۋٸپتٸ وبەكتٸلەرگە باسا نازار اۋدارىلاتىن بولادى.
ەكٸنشٸ وقىلىمدا تالقىلاۋ كەزٸندە سەناتور ەبدەلٸ نۇراليەۆ قارالىپ وتىرعان ەكولوگييالىق كودەكس قورشاعان ورتانى قورعاۋدا وڭ نەتيجەگە الىپ كەلەتٸنٸن ايتتى. كودەكس جوباسى ەكولوگييالىق زاڭنامانى جەتٸلدٸرۋ جەنە جاڭارتۋ, قورشاعان ورتانى قورعاۋ جەنە تابيعاتتى پايدالانۋشىلاردىڭ قىزمەتٸن ەكولوگييالىق رەتتەۋدٸڭ تيٸمدٸلٸگٸن ارتتىرۋ سالاسىنداعى مەملەكەتتٸك باسقارۋدىڭ تيٸمدٸ جٷيەسٸن قالىپتاستىرۋ, قازاقستان رەسپۋبليكاسىنىڭ قورشاعان ورتانى قورعاۋ سالاسىنداعى حالىقارالىق شارتتىق جەنە ٶزگە دە مٸندەتتەمەلەرٸنٸڭ ورىندالۋىن قامتاماسىز ەتۋ ماقساتىندا ەزٸرلەندٸ.
سونىمەن قاتار, ٸلەسپە زاڭ جوبالارىنا تولىقتىرۋلار ەنگٸزٸلگەندٸكتەن, قۇجاتتار مەجٸلٸسكە قايتارىلدى.
