پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۋريستٸك قىزمەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
«زاڭ جوباسىنىڭ نەگٸزگٸ ماقساتى - رەتتەۋشٸ قۇرالداردى وڭتايلاندىرۋ, تۋريستٸك سالانى مەملەكەتتٸك قولداۋ شارالارىن ايقىنداۋ, سونداي-اق كٶشپەلٸ تۋريزمنٸڭ قىزمەتٸن رەتتەۋ ارقىلى ٸشكٸ جەنە كەلۋ تۋريزمٸن دامىتۋدى ىنتالاندىرۋ بويىنشا قۇقىقتىق جاعدايلار جاساۋ. زاڭ جوباسىن قابىلداۋ تۋريستٸك سالاداعى مەملەكەتتٸك رەتتەۋدٸ ودان ەرٸ جەتٸلدٸرۋگە, تۋريستٸك قىزمەت سالاسىنداعى زاڭنامانىڭ ساپاسىن ارتتىرۋعا جەنە ينۆەستيتسييالار تارتۋ تەتٸگٸ ارقىلى تۋريستٸك سالانى دامىتۋعا مٷمكٸندٸك بەرەدٸ. زاڭ جوباسى بويىنشا سەناتتىڭ تۇراقتى كوميتەتتەرٸنەن ەسكەرتۋلەر مەن ۇسىنىستار تٷسكەن جوق», - دەدٸ سەناتور دينار نٶكەتاەۆا اتالعان قۇجاتتى ەكٸنشٸ وقىلىمدا قاراۋ باراسىندا.
سەنات تٶراعاسى مەۋلەن ەشٸمباەۆتىڭ ايتۋىنشا, بٷگٸن قابىلدانعان زاڭ وسى باعىتتا كەشەندٸ زاڭنامالىق نەگٸز قالىپتاستىراتىنىن ايتتى.
«ەلٸمٸزدە تۋريزم سالاسىن دامىتۋ ماڭىزدى ماقساتتاردىڭ بٸرٸ. بٷگٸن قابىلدانعان زاڭ وسى باعىتتا كەشەندٸ زاڭنامالىق نەگٸز قالىپتاستىرادى. سوعان سەيكەس قارجىلاي قولداۋ تەتٸكتەرٸنٸڭ دە اۋقىمى كەڭەيدٸ. ولاردىڭ قاتارىندا ينۆەستيتسييالىق جەڭٸلدٸكتەر, تۋريستٸك قىزمەتتٸ ىنتالاندىرۋ, سىرتتان تۋريستەر ەكەلەتٸن تۋروپەراتورلاردىڭ شىعىندارىن سۋبسيدييالاۋ سيياقتى باسىمدىقتار بار», – م. ەشٸمباەۆ.
ايتا كەتەيٸك, بٷگٸن سەناتتىڭ جالپى وتىرىسىندا اتالعان قۇجاتتى بٸرٸنشٸ وقىلىمدا تالقىلاۋ كەزٸندە قر مەدەنيەت جەنە سپورت مينيسترٸ اقتوتى رايىمقۇلوۆا ەلٸمٸزدە باسىم تۋريستٸك اۋماق ۇعىمى ەنگٸزٸلەتٸنٸن اتاپ ٶتتٸ.
«باسىم تۋريستٸك اۋماق - تۋريستٸك كارتانىڭ رەسپۋبليكالىق وبەكتٸلەر تٸزٸمٸنە ەنگٸزٸلگەن, تۋريستٸك دامۋدىڭ ەرەكشە ەلەۋەتٸ بار اۋماق. باسىم تۋريستٸك اۋماق رەسۋرستاردى تۋريزمدٸ دامىتۋدىڭ پەرسپەكتيۆالى نٷكتەلەرٸندە شوعىرلاندىرۋ ماقساتىندا قۇرىلادى. سونداي-اق, بۇل اۋماقتا ينۆەستورلار ٷشٸن ەرەكشە جەڭٸلدٸكتەر جەنە قازاقستاندىقتاردىڭ ەلدە دەمالۋعا باعىتتالعان ٸلگەرٸلەتۋ شارالارى قاراستىرىلعان», - دەدٸ مينيستر.
سونىمەن قاتار ول شەتەلدٸك تۋريستەرگە قاتىستى تۋريستٸك الىم جٷيەسٸن ەنگٸزۋ قاراستىرىلعانىن اتاپ ٶتتٸ.
تۋريزم سالاسىن مەملەكەتتٸك قولداۋدىڭ جاڭا شارالارىن ەنگٸزۋگە بايلانىستى ۋەكٸلەتتٸ جەنە باسقا مەملەكەتتٸك ورگاندارعا تيٸستٸ قوسىمشا قۇزىرەتتەر بەرٸلەدٸ:
- تۋريستٸك نىساندار مەن جول بويىنداعى قىزمەت كٶرسەتۋ وبەكتٸلەرٸن سالۋعا كەسٸپكەرلٸك سۋبەكتٸلەرٸ شىعىندارىنىڭ بٸر بٶلٸگٸن ٶتەۋ;
- تۋريستٸك ماقساتتارعا ارنالعان كٶلٸك قۇرالدارى مەن تاۋ شاڭعىسى كۋرورتتارىن دامىتۋعا ارنالعان جابدىقتار الۋعا شىعىنداردىڭ بٸر بٶلٸگٸن ٶتەۋ;
- تۋريستٸك پاكەت اياسىندا ەربٸر كەلگەن شەتەلدٸك تۋريست ٷشٸن تۋروپەراتورلاردى سۋبسيدييالاۋ;
- تۋريستٸك پاكەت اياسىندا بالالارعا ارنالعان ۇشۋ بيلەتٸ ٷشٸن تاسىمالداۋ تٶلەمٸن ٶتەۋ.
مينيسترلٸك مەلٸمەتٸنشە, بۇل شارالاردى جٷزەگە اسىرۋ ەكونوميكاعا بيۋدجەتتٸڭ قوسىمشا كٸرٸسٸ تٷرٸندە 135 ملرد تەڭگەنٸ تارتۋعا, 170 مىڭنان استام جۇمىس ورنىن قۇرۋعا جەنە كەم دەگەندە 1000 جوبانى ٸسكە اسىرۋعا مٷمكٸندٸك بەرەدٸ.
