سەنات دەپۋتاتتارى «قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسىنىڭ ٷكٸمەتٸ اراسىنداعى «بايقوڭىر» عارىش ايلاعىنان «سويۋز-2» زىمىراندارىن ۇشىرۋ جٶنٸندەگٸ كەلٸسٸمدٸ راتيفيكاتسييالاۋ تۋرالى» زاڭ جوباسىن قابىلدادى, دەپ حابارلايدى قازاقپارات.
سەنات وتىرىسىندا مەجٸلٸس ماقۇلداعان «قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسىنىڭ ٷكٸمەتٸ اراسىنداعى پوليار ماڭىنداعى وربيتالارعا سولتٷستٸك باعىتتا عارىش اپپاراتتارىن ۇشىرۋ ٷشٸن «بايقوڭىر» عارىش ايلاعىنان «سويۋز-2» تيپٸندەگٸ تاسىمالداعىش زىمىرانداردى ۇشىرۋدى جٷزەگە اسىرۋ جٶنٸندەگٸ ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» قازاقستان رەسپۋبليكاسى زاڭىنىڭ جوباسى قارالدى.
زاڭ جوباسىن تانىستىرعان تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازاقستان اۋماعىنان «سويۋز-2» تيپٸندەگٸ تاسىمالداعىش زىمىرانداردى ۇشىرعانى ٷشٸن قانداي تٶلەم الىناتىنىن تٷسٸندٸردٸ.
«قازاقستان رەسپۋبليكاسى پارلامەنتٸنٸڭ مەجٸلٸسٸ ماقۇلداعان «قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسىنىڭ ٷكٸمەتٸ اراسىنداعى پوليار ماڭىنداعى وربيتالارعا سولتٷستٸك باعىتتا عارىش اپپاراتتارىن ۇشىرۋ ٷشٸن «بايقوڭىر» عارىش ايلاعىنان «سويۋز-2» تيپٸندەگٸ تاسىمالداعىش زىمىرانداردى ۇشىرۋدى جٷزەگە اسىرۋ جٶنٸندەگٸ ىنتىماقتاستىق تۋرالى كەلٸسٸمگە 2019 جىلعى 20 ماۋسىمدا نۇر-سۇلتان قالاسىندا قول قويىلدى. وسى كەلٸسٸم بٷكٸل ەلەمدٸ كەڭجولاقتى ينتەرنەتپەن قامتاماسىز ەتۋگە باعىتتالعان OneWeb حالىقارالىق جوباسىن جٷزەگە اسىرۋ ٷشٸن «بايقوڭىر» عارىش ايلاعىنان عارىش اپپاراتتارىن ۇشىرۋ نەگٸزٸندە قوستاناي وبلىسىنىڭ اۋماعىندا «سويۋز-2» تيپٸندەگٸ تاسىمالداعىش زىمىرانداردىڭ بٶلٸنەتٸن بٶلٸكتەرٸنٸڭ قۇلاۋ اۋدانىن رەسەي تاراپىنان پايدالانۋ تەرتٸبٸن رەتتەيدٸ. قۇلاۋ اۋدانىن پايدالانۋ ٷشٸن قوستاناي وبلىسىنىڭ جانگەلدٸ اۋدانى ەكٸمشٸلٸگٸنە تٷسەتٸن جىلىنا 3 رەت ۇشىرۋ ٷشٸن 460 مىڭ دوللار كٶلەمٸندە تٶلەماقى انىقتالعان. ال قوسىمشا ۇشىرۋ بولعان جاعدايدا ەربٸر ۇشىرۋ ٷشٸن 50 مىڭ دوللار كٶلەمٸندە تٶلەماقى تٶلەنەتٸن بولادى. قۇلاۋ اۋدانى جىلىنا نەبەرٸ بٸرنەشە رەت سەرۆيتۋت شارتىنا ساي قولدانىلىپ وتىرادى», - دەدٸ مينيستر.
سونداي-اق, ول اتالعان زىمىران بٶلشەكتەرٸنٸڭ قاي ٶڭٸرگە قۇلايتىنىن, جەرگٸلٸكتٸ تۇرعىنداردىڭ قاۋٸپسٸزدٸگٸ قالاي قاماتامسىز ەتٸلەتٸنٸن باياندادى.
«3-6 تەۋلٸكتٸ قۇرايتىن بۇل كەزەڭدەردە ادامدار مەن ٷي مالىنىڭ قاۋپسٸزدٸگٸن قامتاماسىز ەتۋ ٷشٸن قۇلاۋ اۋدانىنا كٸرۋ جابىق بولادى. قالعان ۋاقىتتا قۇلاۋ اۋدانىندا جٷرۋگە جەنە ونى جايىلىم رەتٸندە پايدالانۋعا شەكتەۋ قويىلمايدى. ادامداردىڭ قۇلاۋ اۋدانىنان تىسقارى جەرلەردە تۇرۋى قاۋٸپسٸز بولىپ تابىلادى. سونىمەن قاتار تاسىمالداعىش زىمىرانداردى ەربٸر ۇشىرعان سايىن جاقىن ماڭداعى تٸرشٸلٸك ورتاسىنا گيگيەنالىق باعا بەرۋ جۇمىستارى جٷرگٸزٸلٸپ, سىنامالارى الىناتىن بولادى», - دەيدٸ باعدات مۋسين.
ۆەدومستۆو باسشىسى كيٸك تٶلدەيتٸن ۋاقىتتا بايقوڭىردان اتالعان زىمىرانداردىڭ ۇشۋىنا شەكتەۋ قويلاتىنىن دا ەسكە سالدى.
«قۇلاۋ اۋدانىن پايدالانۋ كەزٸندە جانۋارلار مەن ٶسٸمدٸكتەر ەلەمٸنە جىل سايىن مونيتورينگ جٷرگٸزۋ كٶزدەلۋدە. تابيعات قورعاۋ ۇيىمدارىنىڭ كيٸكتەردٸڭ تٶلدەۋ جەنە قۇستاردىڭ ۇيا سالۋ كەزەڭٸندە قۇلاۋ اۋدانىن پايدالانۋدى شەتەۋ تۋرالى تالاپتارى ورىندالادى. ياعني, سەۋٸر مەن ماۋسىم ايلارى ارالىعىندا تاسىمالداعىش زىمىراندار ۇشىرىلمايدى», - دەدٸ مينيستر.
