سەنات "جەر قاتىناستارى مەسەلەلەرٸ بويىنشا كەيبٸر زاڭنامالىق اكتٸلەرگە ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىنا تٷزەتۋلەر ەنگٸزٸپ, مەجٸلٸسكە قايتاردى, - دەپ حابارلايدى Tengrinews.kz.
پارلامەنتتٸڭ جوعارعى پالاتاسىنىڭ دەپۋتاتتارى زاڭ جوباسىنا جەكە ورمان ٶسٸرۋ مەسەلەسٸ بويىنشا ٶزگەرٸستەر ەنگٸزۋ قاجەت دەپ شەشتٸ. سوندىقتان سەناتورلار تٷزەتۋلەر ەنگٸزٸپ قۇجاتتى مەجٸلٸسكە جٸبەرۋدٸ ۇيعاردى.
زاڭ جوباسىنىڭ ماقساتى - شەتەلدٸكتەردٸڭ, ازاماتتىعى جوق ادامداردىڭ, شەتەلدٸك زاڭدى تۇلعالاردىڭ, شەتەلدٸك قاتىسۋى بار قازاقستان رەسپۋبليكاسىنىڭ زاڭدى تۇلعالارىنىڭ, حالىقارالىق ۇيىمداردىڭ, حالىقارالىق قاتىسۋى بار عىلىمي ورتالىقتاردىڭ, سونداي-اق قانداستاردىڭ اۋىل شارۋاشىلىعى ماقساتىنداعى جەر ۋچاسكەلەرٸن جەكە مەنشٸك نەمەسە جەر پايدالانۋ قۇقىعىمەن يەلەنۋٸنە تىيىم سالۋ.
سونداي-اق, زاڭ جوباسىندا قازاقستان رەسپۋبليكاسىنىڭ ازاماتتىعى توقتاتىلعان جەنە شەتەلدٸك ازاماتتار مەن زاڭدى تۇلعالار قازاقستان رەسپۋبليكاسىنىڭ زاڭدى تۇلعاسىنا قاتىسۋشىلار قۇرامىنا كٸرگەن جاعدايلاردا اۋىل شارۋاشىلىعى ماقساتىنداعى جەرلەردٸ يەلٸكتەن شىعارۋ مەسەلەلەرٸ رەگلامەنتتەلگەن.
"جەر - حالقىمىزدىڭ باستى بايلىعى, تەۋەلسٸزدٸگٸمٸزدٸڭ سيمۆولى. سوندىقتان جەر مەسەلەسٸنٸڭ ستراتەگييالىق ماڭىزى زور. بۇل زاڭ جوباسى اۋىل شارۋاشىلىعى ماقساتىنداعى جەر ۋچاسكەلەرٸن شەتەلدٸكتەرگە, ازاماتتىعى جوق ادامدارعا, شەتەلدٸك زاڭدى تۇلعالارعا جەنە قانداستارعا ساتۋعا جەنە جالعا بەرۋگە تىيىم سالادى.
سونداي-اق, قۇجاتتا قازاقستان رەسپۋبليكاسىنىڭ ازاماتتىعى توقتاتىلعان جەنە شەتەلدٸك ازاماتتار مەن زاڭدى تۇلعالار قازاقستان رەسپۋبليكاسىنىڭ زاڭدى تۇلعاسىنا قاتىسۋشىلار قۇرامىنا كٸرگەن جاعدايلاردا اۋىل شارۋاشىلىعى ماقساتىنداعى جەرلەرٸن يەلٸكتەن شىعارۋ رەسٸمٸ كٶزدەلگەن. جالپى, بۇل زاڭ جوباسى ەڭ الدىمەن حالىق پەن مەملەكەت مٷددەسٸن قورعايدى", - دەدٸ سەنات تٶراعاسىنىڭ ورىنباسارى نۇرلان ەبدٸروۆ پالاتا وتىرىسىندا.
وسىلايشا زاڭ جوباسى قابىلدانعان جاعدايدا اۋىل شارۋاشىلىعى ماقساتىنداعى جەرلەرگە قازاقستان رەسپۋبليكاسىنىڭ ازاماتتارى مەن شەتەلدٸك قاتىسۋى جوق قازاقستان رەسپۋبليكاسىنىڭ زاڭدى تۇلعالارى عانا يە بولا الادى.
ەلدەگٸ جەر مەسەلەلەرٸن زاڭنامالىق رەتتەۋ وسى زاڭ قابىلدانعاننان كەيٸن جالعاستىرىلادى.
ايتا كەتەيٸك, جاقىندا بەس سەناتور قاتىسقان جەر كوميسسيياسى ٶز جۇمىسىن اياقتاعان بولاتىن. كوميسسييا وتىرىسى بارىسىندا وسى سالاداعى زاڭنامانى جەتٸلدٸرۋگە قاتىستى كٶپتەگەن ۇسىنىستار ايتتى. ۇسىنىستاردى ەسكەرە وتىرىپ, ٷكٸمەت قازٸرگٸ ۋاقىتتا جەر پايدالانۋ سالاسىندا زاڭنامالىق تٷزەتۋلەر توپتاماسىن ەزٸرلەپ جاتىر. سوڭعى وتىرىستا قازاقستاندىقتار ٷشٸن اۋىل شارۋاشىلىعى جەرلەرٸن ساتۋعا موراتورييدٸ بەس جىلعا ۇزارتۋ تۋرالى شەشٸم قابىلدانعان ەدٸ.
