فوتو: senate.parlam.kz
بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بٸلٸم بەرۋ, تەلٸمگەرلٸك جەنە بالالاردىڭ قاۋٸپسٸزدٸگٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ماقۇلداندى, دەپ حابارلايدى Kazinform اگەنتتٸگٸ.
زاڭ پارلامەنت دەپۋتاتتارىنىڭ باستاماسىمەن ەزٸرلەندٸ. قۇجاتتى قابىلداۋداعى نەگٸزگٸ ماقسات – بٸلٸم بەرۋ سالاسىنداعى جەنە جەتٸم بالالار مەن اتا-اناسىنىڭ قامقورلىعىنسىز قالعان بالالاردىڭ قۇقىقتارىن قورعاۋ سالاسىنداعى ۇلتتىق زاڭنامانى ودان ەرٸ جەتٸلدٸرۋ.
«زاڭ جەتٸم بالالار ٷشٸن تەلٸمگەرلٸك ينستيتۋتىن ەنگٸزۋدٸ, بالالاردىڭ قاۋٸپسٸزدٸگٸن قامتاماسىز ەتۋدٸ جەنە بٸلٸم بەرۋ ۇيىمدارىنىڭ باسقارۋ ەركٸندٸگٸن كەڭەيتۋدٸ كٶزدەيدٸ. بٸرٸنشٸدەن, جەرگٸلٸكتٸ ەكٸمدٸكتەر بٸلٸم بەرۋ ساپاسىن قامتاماسىز ەتۋ بويىنشا تيٸستٸ اۋماقتىڭ بٸلٸم بەرۋدٸ دامىتۋ جوسپارىنىڭ جوباسىن ەزٸرلەۋ جەنە ونى مەسليحاتتىڭ بەكٸتۋٸنە ۇسىنۋى ەسكەرٸلگەن. سونداي-اق, جەرگٸلٸكتٸ ەكٸمدٸكتەر تيٸستٸ اۋماقتا بٸلٸم بەرۋ ۇيىمدارىن ماتەريالدىق-تەحنيكالىق قامتاماسىز ەتۋ جٶنٸندە شارالار قابىلداۋىن مٸندەتتەيتٸن جەنە اپاتتىق جاعدايعا جول بەرمەۋٸ مەن سەيسميكالىق ورنىقتىلىعىن ارتتىرۋ ماقساتىندا ولاردىڭ جاي-كٷيٸن باقىلاۋدى بەس جىل سايىن جٷزەگە اسىرۋ تۋرالى نورمالارى ۇسىنىلعان», - دەدٸ سەناتور التىنبەك نۋحۇلى.
بۇدان بٶلەك, بالالاردىڭ قاۋٸپسٸزدٸگٸ ٷشٸن تەرەزەلەردٸ قاۋٸپسٸزدٸك قۇلىپتارىمەن قامتاماسىز ەتۋ مٸندەتٸ تۋرالى نورما ۇسىنىلعان. سونىمەن قاتار, جاڭا ىقشام اۋداندارىندا كٶپپەتەرلٸ تۇرعىن ٷي سالۋ كەزٸندە, قۇرىلىس جوبالاۋ قۇجاتتارىندا ەلەۋمەتتٸك ماڭىزى بار - بٸلٸم بەرۋ جەنە دەنساۋلىق ساقتاۋ وبەكتٸلەرٸنٸڭ مٸندەتتٸ تٷردە بولۋىن ەسكەرۋ تۋرالى نورمالار ەنگٸزٸلگەن. ياعني, دەنساۋلىق ساقتاۋ جەنە بٸلٸم بەرۋ وبەكتٸلەرٸن ورنالاستىرۋ ەسەپكە الىنباسا, وندا بۇل اۋماقتا كٶپپەتەرلٸ تۇرعىن ٷيلەردٸ سالۋعا تىيىم سالىنادى. جاڭا تالاپ ٷش اۋىسىمدى مەكتەپتەر مەسەلەسٸن شەشۋگە, ساپالى بٸلٸم بەرۋگە جەنە تۇرعىندارعا مەديتسينالىق كٶمەكتٸ وڭاي ەرٸ جىلدام الۋعا مٷمكٸندٸك بەرەدٸ.
«مۇنىمەن قوسا, ارنايى بٸلٸم بەرۋ ۇيىمدارىنداعى جەتٸم بالالاردىڭ, اتا-اناسىنىڭ قامقورلىعىنسىز قالعان بالالاردىڭ ٶز بەتٸنشە ٶمٸر سٷرۋگە دايىندالۋىنا جەكە قولداۋ مەن كٶمەكتەسۋگە باعىتتالعان تەلٸمگەرلٸك قىزمەتٸن ەنگٸزۋ قارالىپ وتىر. اتالعان نورمانى قابىلداۋ - بالالاردى تولىققاندى ەلەۋمەتتەندٸرۋگە, پسيحولوگييالىق قولداۋعا جەنە ەلەۋمەتتٸك قورعاۋعا ىقپال ەتەدٸ», - دەدٸ دەپۋتات.
ونىڭ سٶزٸنە قاراعاندا, وقۋ پروتسەسٸندە ۇيالى تەلەفونداردى پايدالانۋعا شەكتەۋ قويۋدى ەنگٸزۋ, تەستٸلەۋسٸز بٸرٸنشٸ سىنىپقا قابىلداۋ, بالاباقشالارعا ورىن بەرۋ بويىنشا بٸرىڭعاي كەزەكتٸلٸكتٸ قامتاماسىز ەتۋ, بٸلٸم بەرۋ ۇيىمدارىندا زورلىق-زومبىلىقتى ناسيحاتتايتىن, دٸني سيپاتتاعى اقپاراتتىڭ تارالۋىنا جول بەرمەۋ جەنە سۋيتسيدكە شاقىرۋدى بولدىرماۋ شارالارىن قابىلداۋدى كٶزدەيتٸن نورمالار ۇسىنىلعان.
«قورىتا ايتقاندا, زاڭ – بٸلٸم بەرۋ سالاسىنداعى قولدانىستاعى زاڭناماداعى قۇقىقتىق ولقىلىقتاردى جويۋ ماقساتىن كٶزدەيدٸ جەنە ەلٸمٸزدەگٸ بٸلٸم بەرۋدٸڭ ساپاسىن ارتتىرۋ مەن رەتتەۋدٸڭ ۇلتتىق جٷيەسٸنٸڭ تيٸمدٸلٸگٸن ودان ەرٸ كٷشەيتۋگە باعىتتالعان», - دەدٸ سەناتور.
