پارلامەنت سەناتىنىڭ جالپى وتىرىسىندا «قر ٷكٸمەتٸ مەن رف ٷكٸمەتٸ اراسىنداعى م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستاندىق فيليالىنىڭ جۇمىس ٸستەۋٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات تٸلشٸسٸ.
ايتا كەتەيٸك, 2000 جىلى قر تۇڭعىش پرەزيدەنتٸ نۇرسۇلتان نازارباەۆ م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستانداعى فيليالىن اشۋ جٶنٸندە باستاما كٶتەردٸ. سول جىلى 9 قازاندا رف پرەزيدەنتٸ ۆ. پۋتيننٸڭ قازاقستانعا ساپارى كەزٸندە فيليالدىڭ قۇرىلۋى تۋرالى حاتتاماعا قول قويىلدى. فيليال وسى ۋاقىتقا دەيٸن ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ بازاسىندا قىزمەت ەتۋدە. قازاقستاندىق فيلالدىڭ قىزمەتٸن ودان ارى زاڭنامالىق تۇرعىدا بەكٸتۋ ماقساتىندا 2017 جىلعى 9 قاراشادا چەليابينسك قالاسىندا قر ٷكٸمەتٸ مەن رف ٷكٸمەتٸ اراسىندا م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستاندىق فيليالىنىڭ جۇمىس ٸستەۋٸ تۋرالى كەلٸسٸمگە قول قويىلدى. وسى كەلٸسٸم بٸلٸم ورداسىنىڭ قىزمەتٸن رەتتەيدٸ. وندا وقىتۋ مەسكەۋ مەملەكەتتٸك ۋنيۆەرسيتەتٸنٸڭ وقۋ باعدارلامالارى نەگٸزٸندە جٷزەگە اسىرىلادى.
«سونىمەن بٸرگە, كەلٸسٸمدە قازاقستاننىڭ جوعارى وقۋ ورىندارىندا كٶزدەلگەن كٶلەمدە قازاقستان تاريحى مەن قازاق تٸلٸن مٸندەتتٸ تٷردە وقىتۋ قاراستىرىلعان. بۇدان باسقا, وقۋ جوسپارلارىندا قازاقستان ەكونوميكاسىنىڭ ەرەكشەلٸكتەرٸ ەسكەرٸلگەن. بٸرٸنشٸ جەنە ەكٸنشٸ كۋرستاردا قازاقستاندى جاڭعىرتۋدىڭ ٶزەكتٸ مەسەلەلەرٸ تۋرالى ەلەۋمەتتٸك-گۋمانيتارلىق پەندەر وقىتىلادى» - دەدٸ قر بٸلٸم جەنە عىلىم مينيسترٸ كٷلەش شەمشيدينوۆا.
اتاپ ايتقاندا, قازاقستان فيليالدىڭ قىزمەتٸنە مٷلٸكتٸ ٶتەۋسٸز بەرۋ جەنە بٸلٸم گرانتتارىن بٶلۋ ارقىلى قاتىسادى. فيليال مٷلٸكتٸ ەشكٸمگە بەرە المايدى, ونىڭ قىزمەتٸ اياقتالعان جاعدايدا, مٷلٸك قازاقستانعا قايتارىلادى. جىل سايىنعى قابىلداۋ جوسپارى 125 ستۋدەنت, 40 ماگيسترانتتى قۇرايدى. بٷگٸندە فيليالدا 605 ستۋدەنت بٸلٸم الادى. مەكەمە دەربەس زاڭدى تۇلعا بولىپ ەسەپتەلمەيدٸ, سوندىقتان مەسكەۋ ۋنۆەرسيتەتٸنٸڭ ليتسەنزييالارى مەن اككرەديتاتسيياسى نەگٸزٸندە جۇمىس ٸستەيدٸ.
«وسىعان بايلانىستى كەلٸسٸمدە فيليالدىڭ بٸلٸم بەرۋ جەنە قارجى-شارۋاشىلىق قىزمەتٸن باقىلاۋ ٷشٸن ۆەدومستۆولىق كوميسسييا كٶزدەلگەن. فيليال قىزمەتٸ 3 جىلدا بٸر رەت تەكسەرٸلەدٸ, سونداي-اق قازاقستان زاڭناماسىندا بەلگٸلەنگەن ٶزگە دە تەكسەرۋلەر ٶتكٸزۋگە بولادى», - دەدٸ مينيستر.
بۇدان باسقا, كەلٸسٸمنٸڭ 12-شٸ بابى جەنە حاتتاما ارقىلى وسى كەلٸسٸمگە ٶزگەرٸستەر ەنگٸزۋ مٷمكٸندٸگٸ بار جەنە بۇل ٶزگەرٸستەر قۇجاتتىڭ اجىراماس بٶلٸگٸ بولادى.
كٷلەش شەمشيدينوۆانىڭ ايتۋىنشا, وقۋدى سەتتٸ اياقتاعان ستۋدەنتتەرگە مەسكەۋ مەملەكەتتٸك ۋنيۆەرسيتەتٸنٸڭ ديپلومى بەرٸلەدٸ. 390 پروفەسسور مەن وقىتۋشىنىڭ 130-ى باس ۋنيۆەرسيتەتتەن تارتىلادى. 14 جىل ٸشٸندە 1 725 مامان دايارلانىپ شىقتى. مونيتورينگ نەتيجەلەرٸنە قاراعاندا, سوڭعى 5 جىلدا تٷلەكتەردٸڭ 93 پايىزى قازاقستاندا جۇمىسقا ورنالاستى. قازاقستان زاڭناماسىنا سەيكەس, فيليال تٷلەكتەرٸنٸڭ مٸندەتتٸ تٷردە جۇمىس ٶتەۋ قاجەتتٸگٸ كەلٸسٸمدە بەكٸتٸلگەن
