پارلامەنت سەناتى 27 قىركٷيەكتە دٸني قىزمەت جەنە دٸني بٸرلەستٸكتەر تۋرالى زاڭعا ٶزگەرٸستەر مەن تولىقتىرۋلار ەنگٸزۋ جوباسىن قاراپ, وعان ٶز ۇسىنىستارىن ەنگٸزٸپ مەجٸلٸسكە قايتاردى, دەپ حابارلايدى "ۇلت اقپارات".
تالقىلاۋعا قاتىسقان قوعامدىق دامۋ ۆيتسە-مينيسترٸ بەرٸك ارىننىڭ ايتۋىنشا, سەناتورلار زاڭ جوباسىنا شەتەلدە دٸني وقۋعا بارماس بۇرىن قازاقستاندا دٸني بٸلٸم الۋدى مٸندەتتەيتٸن ۇسىنىستى جويۋدى جەنە جارنامادا دەسترۋكتيۆتٸ دٸني اعىمداردىڭ دٸني اتريبۋتتارىن قولدانعانى ٷشٸن كٶرٸلەتٸن جازانى ايقىنداۋدى ۇسىندى.
- بٸز دەسترۋكتيۆتٸ دٸني اعىمداردىڭ سىرتقى اتريبۋتتارىن جەنە يدەولوگيياسىن جارنامالاۋعا بولمايدى دەگەن ۇسىنىس جاساعانبىز. بٸراق ەكٸمشٸلٸك كودەكستە ول ٷشٸن جازا كٶزدەلمەگەن ەدٸ. دەپۋتاتتار تىيىم بولسا, وعان جاۋاپكەرشٸلٸك بولۋى كەرەگٸن ايتىپ, ونى الىپ تاستاۋدى ۇسىندى. بٸز الدىمەن بۇنى ەنگٸزٸپ, اپروباتسييا جاساپ كٶرەيٸك, جازانى كەيٸن ەنگٸزەرمٸز دەپ ويلاعانبىز, - دەدٸ بەرٸك ارىن.
ۆيتسە-مينيستردٸڭ سٶزٸنشە, سەنات دەپۋتاتتارى شەتەلدە دٸني بٸلٸم الۋ ٷشٸن الدىمەن قازاقستاننان دٸني بٸلٸم الۋدى مٸندەتتەۋ ازاماتتاردىڭ كونستيتۋتسييادا بەكٸتٸلگەن بٸلٸم الۋ ەركٸندٸگٸ تۋرالى قۇقىعىن شەكتەيدٸ دەگەن پٸكٸر بٸلدٸرگەن.
بۇعان دەيٸن زاڭ جوباسىن مەجٸلٸستە تالقىلاۋ كەزٸندە مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶراعاسى مۇحتار ەرمان قۇجات دٸن قىزمەتٸ سالاسىندا زاڭناما تالاپتارىن بۇزعانى ٷشٸن سالىناتىن ايىپپۇل كٶلەمٸن قايتا قاراستىراتىنىن ايتقان. ونىڭ ايتۋىنشا, كەمەلەتكە تولماعان جاسٶسپٸرٸمدەردٸڭ دٸني شارالارعا قاتىسۋى ٷشٸن اتا-انالارىنىڭ كەلٸسٸمٸ كەرەك بولادى.
قوعامدىق دامۋ مينيسترٸ دارحان كەلەتاەۆتىڭ ايتۋىنشا, زاڭ جوباسىنا "دەسترۋكتيۆتٸ دٸني اعىم", "دٸني راديكاليزم", "دٸني بٸرلەستٸكتٸڭ قاتىسۋشىسى" (مٷشەسٸ) دەگەن جاڭا ۇعىمدار ەنگٸزٸلگەن.
"بۇل ۇعىمداردى ەنگٸزۋ جاڭا دەسترۋكتيۆتٸ دٸني اعىمداردىڭ يدەولوگيياسى, اتريبۋتتارى مەن سىرتقى بەلگٸلەرٸن تاراتۋعا تىيىم سالۋ, سىرتتان ەلٸمٸزگە جات يدەولوگييانىڭ ەنۋٸنە توسقاۋىل قويۋعا مٷمكٸندٸك بەرەدٸ. سونداي-اق, بەت-ەلپەتتٸ تانۋعا كەدەرگٸ كەلتٸرەتٸن كيٸم-كەشەكتٸ قوعامدىق ورىنداردا كيٸپ جٷرۋگە تىيىم سالۋ كٶزدەلگەن. مۇنداي شارالار ازاماتتاردىڭ قاۋٸپسٸزدٸگٸ ٷشٸن قاجەت. مۇنداي نورمالار بەلگييا, فرانتسييا, اۆسترييا, بولگارييا جەنە باسقا دا بٸرقاتار مەملەكەتتٸڭ زاڭدارىندا بار", — دەدٸ مينيستر سەناتتىڭ جالپى وتىرىسىندا.
سونداي-اق, كەلەتاەۆ زاڭ جوباسىندا دٸني قىزمەتپەن بايلانىستى قىلمىستاردىڭ الدىن الۋ بويىنشا ٸشكٸ ٸستەر مينيسترلٸگٸنٸڭ فۋنكتسيياسىن كەڭەيتۋ كٶزدەلٸپ وتىرعانىن اتاپ ٶتتٸ.
مەجٸلٸس 23 مامىردا ماقۇلداعان زاڭ جوباسىندا مەملەكەتتٸك قىزمەتكەرلەردٸڭ دٸني ەرەكەتتەرٸنە بايلانىستى تالاپتار, دٸني بٸرلەستٸكتەردٸڭ قىزمەتٸن باقىلاۋ, جازالاۋ مەكەمەلەرٸندەگٸ سوتتالۋشىلاردىڭ دٸني ەرەكەتٸن رەتتەۋ, شەتەلدە دٸني بٸلٸم الۋعا قاتىستى مەسەلەلەر قامتىلعان. جوبا قوعامدىق ورىنداردا نيقاب كييۋگە, قۇلشىلىق ەتۋ ورىندارىنان بٶلەك جەردە نەكە قييۋعا تىيىم سالادى. بۇل تالاپتاردى بۇزعاندارعا ايىپپۇل سالىنادى. بۇعان قوسا, دٸني مەكەمەلەردٸڭ اشىقتىق مەسەلەلەرٸ دە قاراستىرىلعان.
