Parlament senaty 27 qyrkúiekte dini qyzmet jáne dini birlestikter týraly zańǵa ózgerister men tolyqtyrýlar engizý jobasyn qarap, oǵan óz usynystaryn engizip májiliske qaitardy, dep habarlaidy "Ult aqparat".
Talqylaýǵa qatysqan qoǵamdyq damý vitse-ministri Berik Arynnyń aitýynsha, senatorlar zań jobasyna shetelde dini oqýǵa barmas buryn Qazaqstanda dini bilim alýdy mindetteitin usynysty joiýdy jáne jarnamada destrýktivti dini aǵymdardyń dini atribýttaryn qoldanǵany úshin kóriletin jazany aiqyndaýdy usyndy.
- Biz destrýktivti dini aǵymdardyń syrtqy atribýttaryn jáne ideologiiasyn jarnamalaýǵa bolmaidy degen usynys jasaǵanbyz. Biraq ákimshilik kodekste ol úshin jaza kózdelmegen edi. Depýtattar tyiym bolsa, oǵan jaýapkershilik bolýy keregin aityp, ony alyp tastaýdy usyndy. Biz aldymen buny engizip, aprobatsiia jasap kóreiik, jazany keiin engizermiz dep oilaǵanbyz, - dedi Berik Aryn.
Vitse-ministrdiń sózinshe, senat depýtattary shetelde dini bilim alý úshin aldymen Qazaqstannan dini bilim alýdy mindetteý azamattardyń konstitýtsiiada bekitilgen bilim alý erkindigi týraly quqyǵyn shekteidi degen pikir bildirgen.
Buǵan deiin zań jobasyn májiliste talqylaý kezinde májilistiń halyqaralyq ister, qorǵanys jáne qaýipsizdik komitetiniń tóraǵasy Muhtar Erman qujat din qyzmeti salasynda zańnama talaptaryn buzǵany úshin salynatyn aiyppul kólemin qaita qarastyratynyn aitqan. Onyń aitýynsha, kámeletke tolmaǵan jasóspirimderdiń dini sharalarǵa qatysýy úshin ata-analarynyń kelisimi kerek bolady.
Qoǵamdyq damý ministri Darhan Káletaevtyń aitýynsha, zań jobasyna "destrýktivti dini aǵym", "dini radikalizm", "dini birlestiktiń qatysýshysy" (múshesi) degen jańa uǵymdar engizilgen.
"Bul uǵymdardy engizý jańa destrýktivti dini aǵymdardyń ideologiiasy, atribýttary men syrtqy belgilerin taratýǵa tyiym salý, syrttan elimizge jat ideologiianyń enýine tosqaýyl qoiýǵa múmkindik beredi. Sondai-aq, bet-álpetti tanýǵa kedergi keltiretin kiim-keshekti qoǵamdyq oryndarda kiip júrýge tyiym salý kózdelgen. Mundai sharalar azamattardyń qaýipsizdigi úshin qajet. Mundai normalar Belgiia, Frantsiia, Avstriia, Bolgariia jáne basqa da birqatar memlekettiń zańdarynda bar", — dedi ministr senattyń jalpy otyrysynda.
Sondai-aq, Káletaev zań jobasynda dini qyzmetpen bailanysty qylmystardyń aldyn alý boiynsha ishki ister ministrliginiń fýnktsiiasyn keńeitý kózdelip otyrǵanyn atap ótti.
Májilis 23 mamyrda maquldaǵan zań jobasynda memlekettik qyzmetkerlerdiń dini áreketterine bailanysty talaptar, dini birlestikterdiń qyzmetin baqylaý, jazalaý mekemelerindegi sottalýshylardyń dini áreketin retteý, shetelde dini bilim alýǵa qatysty máseleler qamtylǵan. Joba qoǵamdyq oryndarda niqab kiiýge, qulshylyq etý oryndarynan bólek jerde neke qiiýǵa tyiym salady. Bul talaptardy buzǵandarǵa aiyppul salynady. Buǵan qosa, dini mekemelerdiń ashyqtyq máseleleri de qarastyrylǵan.
