2023 جىلى اباي وبلىسىنداعى سەمەي ورمانىندا بولعان الاپات ٶرتكە ارنالعان «38» تولىقمەتراجدى كٶركەم فيلمٸ 3 قىركٷيەكتەن باستاپ ەلٸمٸزدٸڭ بارلىق كينوتەاترلارىندا كٶرسەتٸلەدٸ, دەپ حابارلايدى ult.kz.
فيلم 15 ادامنىڭ ٶمٸرٸن قيىپ, 63 مىڭ گەكتار ورماندى كٷلگە اينالدىرعان, جەتٸ كٷنگە سوزىلعان قايعىلى وقيعاعا نەگٸزدەلگەن. تۋىندى تابيعات اپاتى مەن ادام تاعدىرىن ارقاۋ ەتٸپ, قازاقستان تاريحىنداعى ەڭ ٸرٸ ورمان ٶرتٸن جەنە تٸلسٸز جاۋمەن كٷرەسكەن بەيبٸت كٷننٸڭ باتىرلارىن باياندايدى.
تٷسٸرٸلٸم جۇمىستارى اباي وبلىسىنىڭ كٶرٸكتٸ جەرلەرٸندە جٷرگٸزٸلدٸ. قويۋشى رەجيسسەر تٶرەبەك بەيسەباەۆتىڭ ايتۋىنشا, ٶرت سٶندٸرۋ تەحنيكاسىمەن جۇمىس ٸستەۋ فيلم ٶندٸرٸسٸندەگٸ ەڭ كٷردەلٸ تەحنيكالىق كەزەڭدەردٸڭ بٸرٸ بولعان.
فيلمنٸڭ ستسەنارييٸن نۇرجٸگٸت حايداروۆ پەن ماقسات جۇماحانوۆ جازعان. قويۋشى وپەراتورى – اسىلحان مەدەلبەكوۆ, قويۋشى سۋرەتشٸسٸ – ولجاس ەلمەنوۆ, پروديۋسەرٸ – نۇرجٸگٸت حايداروۆ.
باستى رٶلدەردٸ المات ساقاتوۆ, اسان مەجيت جەنە التىناي نٶگەربەك سومداعان.
«38» – سەمەي ورمانىنداعى 2023 جىلعى قايعىلى وقيعاعا ارنالعان جەنە قازاقستانداعى ەڭ ٸرٸ ورمان ٶرتٸ تۋرالى تٷسٸرٸلگەن العاشقى اۋقىمدى درامالىق فيلمدەردٸڭ بٸرٸ بولماق.
