سەل قاۋپٸنە بايلانىستى الماتى قالاسىنىڭ ناۋرىزباي اۋدانىندا اقساي ٶزەنٸنٸڭ ارناسى بويىندا تۇراتىن تۇرعىنداردى الدىن الا ەۆاكۋاتسييالاۋ جٷرگٸزٸلۋدە, دەپ حابارلايدى ult.kz.
ازاماتتاردىڭ قاۋٸپسٸزدٸگٸن قامتاماسىز ەتۋ ماقساتىندا ولار ۋاقىتشا ناۋرىزباي اۋدانىنداعى مەكتەپتەر بازاسىندا ۇيىمداستىرىلعان حالىقتى قابىلداۋ پۋنكتتەرٸنە ورنالاستىرىلۋدا.
"تٶتەنشە جاعدايلار مينيسترلٸگٸ جەدەل شتاب قۇردى, ازاماتتىق قورعاۋ قىزمەتتەرٸ جۇمىس ٸستەپ جاتىر. سونداي-اق 8 (727) 279-22-32 نٶمٸرٸ بويىنشا جەدەل جەلٸ ٸسكە قوسىلدى.
بٷگٸنگٸ تاڭدا جەدەل جەلٸگە 4 قوڭىراۋ كەلٸپ تٷستٸ.
بارلىق ٸس-شارالار جوسپارلى تٷردە جٷرگٸزٸلۋدە. جاعداي باقىلاۋدا", - دەلٸنگەن حابارلامادا.
جاعداي تولىق تۇراقتانىپ, قاۋٸپ تولىق جويىلعاننان كەيٸن تۇرعىندار ٶز ٷيلەرٸنە قايتا ورالا الادى. بۇل تۋرالى حالىققا قوسىمشا اقپارات بەرٸلەدٸ.
