سايرامدىق پوليتسەيلەر مانكەنت اۋىلىندا ورنالاسقان دەمحانالاردىڭ بٸرٸنەن قىزىل كٸتاپقا ەنگٸزٸلگەن ٷكٸنٸ تاپتى, دەپ حابارلايدى "ۇلت اقپارات".
سايرام اپب-نىڭ تابيعاتتى قورعاۋ پوليتسييا توبىنىڭ ينسپەكتورى پوليتسييا اعا لەيتەنانتى م.بوتابەك جەنە ەكٸمشٸلٸك پوليتسييا بٶلٸمٸنٸڭ ينسپەكتورى پوليتسييا اعا لەيتەنانتى م.قۋاندىقوۆ ەكولوگييالىق قىلمىستاردىڭ الدىن الۋ جٶنٸندەگٸ جەدەل-پروفيلاكتيكالىق ٸس-شارالار جٷرگٸزۋ بارىسىندا مانكەنت اۋىلىندا ورنالاسقان كافەلەردٸڭ بٸرٸنٸڭ اۋلاسىنان اسىراۋعا تىيىم سالىنعان ٷلكەن ٷكٸنٸ انىقتادى.
اتالعان جايت قر قك-نٸڭ 339-بابى «سيرەك كەزدەسەتٸن جەنە قۇرىپ كەتۋ قاۋپٸ تٶنگەن, سونداي-اق پايدالانۋعا تىيىم سالىنعان ٶسٸمدٸكتەر مەن جانۋارلار تٷرلەرٸن, ولاردىڭ بٶلٸكتەرٸن نەمەسە دەريۆاتتارىن زاڭسىز پايدالانۋ» بويىنشا تٸركەلٸپ, سوتقا دەيٸنگٸ تەرگەۋ امالدارى جٷرگٸزٸلۋدە. ايعاقتى زات رەتٸندە الىنعان قۇس قر «قىزىل كٸتابىنا» ەنگٸزٸلگەن «فيلين-ٷكٸسٸ» بولىپ شىقتى. ول شىمكەنت قالاسىنىڭ حايۋاناتتار باعىنا جٸبەرٸلدٸ. تەرتٸپ ساقشىلارى كٷدٸكتٸ تۇرعىننىڭ «قىزىل كٸتاپقا» ەنگەن قۇستى قانداي ماقساتتا ۇستاعانىن انىقتاۋدا. سونداي-اق تەرگەۋ بارىسىندا تۇرعىن بۇل قۇستى 2015 جىلدان بەرٸ اسىراپ كەلە جاتقانىن جەتكٸزگەن. «تٷركٸستان وبلىسىنىڭ پوليتسييا قىزمەتكەرلەرٸ ازاماتتارعا قر «قىزىل كٸتابىنا» ەنگٸزٸلگەن سيرەك كەزدەسەتٸن جانۋارلارمەن زاڭسىز بايلانىس جاساپ, ۇستاعاندار 3 مىڭ اەك دەيٸنگٸ ايىپپۇل نەمەسە 3 جىلعا دەيٸنگٸ مەرزٸمگە باس بوستاندىعىنان شەكتەۋ نەمەسە ايىرۋ تٷرٸندەگٸ قىلمىستىق جاۋاپكەرشٸلٸك قاراستىرىلعانىن ەسكەرتەدٸ», دەلٸنگەن باسپاسٶز قىزمەتٸنٸڭ حابارلاماسىندا.
