ۋچاسكەلٸك پوليتسييا ينسپەكتورى ٶز ٶمٸرٸن قاتەرگە تٸگٸپ, جول-قوزعالىسى ەرەجەسٸن بۇزعان كٶلٸكتٸ توقتاتتى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
اقسۋكەنت اۋىلى كٶشەلەرٸنٸڭ بٸرٸندە تٷنگٸ پاترۋل كەزٸندە سايرام اپب جپق پوليتسييا قىزمەتكەرلەرٸ كٷدٸك تۋعىزعان «ۆاز» اۆتوكٶلٸگٸن بايقادى. تەرتٸپ ساقشىسى جٷرگٸزۋشٸگە توقتاۋدى كٶرسەتتٸ, بٸراق ول زاڭدى تالاپتارعا باعىنباي, جاسىرىنۋعا تىرىستى.
وسى كەزدە ۋچاسكەلٸك ينسپەكتور دەۋرەن بايحاراشەۆ تەرتٸپ بۇزۋشىنىڭ جولىن جاپتى. الايدا, جٷرگٸزۋشٸ باعىنباي, قوزعالىسىن جالعاستىرىپ, پوليتسەيدٸ سوقتى. بٸراق دەۋرەن كاپوتقا سەكٸرٸپ ٷلگەردٸ.
تەرتٸپ بۇزۋشى مايور بايحاراشەۆتى كٶلٸكتٸڭ ٷستٸنەن تٷسٸرۋگە تىرىسىپ, قاتتى جىلدامدىقپەن اۋىل كٶشەلەرٸمەن جٷرەدٸ. ٶزٸنٸڭ كەسٸبيلٸگٸ مەن دەنە دايىندىعىنىڭ ارقاسىندا پوليتسەي كاپوتتان مىقتاپ ۇستاپ تۇرا الدى. وسى كەزدە ۋچاسكەلٸك ينسپەكتوردىڭ ەرٸپتەستەرٸ جٷرگٸزۋشٸنٸڭ ٸزٸنە تٷسٸپ, تەرتٸپ بۇزۋشىنى قۋا جٶنەلدٸ.
سونداي-اق, ونىڭ ۇستالۋىنا «اۋدي» جٷرگٸزۋشٸسٸ كٶمەك كٶرسەتتٸ. ول ٶزٸنٸڭ ازاماتتىق بورىشىن ورىنداي وتىرىپ, اۆتوكٶلٸكتٸ توقتاتۋعا تىرىستى. وسىعان قاراماستان ۆاز جٷرگٸزۋشٸسٸ جىلدامدىقتى تٶمەندەتپەي اۋىل تۇرعىنىنىڭ كٶلٸگٸن سوقتى.
سودان كەيٸن پوليتسييا قىزمەتكەرٸن كاپوتپەن سٷيرەي وتىرىپ, الماتى-تەرمەز تاسجولىنا شىعىپ, كٶرشٸ قارابۇلاق اۋىلىنا جەتپەي اۆتوكٶلٸگٸن تاستاپ, قاشىپ كەتكەن. ۋچاسكەلٸك پوليتسييا ينسپەكتورى دەۋرەن بايحاراشەۆقا العاشقى مەديتسينالىق كٶمەك كٶرسەتٸلدٸ.
سايرام اپب پوليتسييا قىزمەتكەرلەرٸ جەدەل-ٸزدەستٸرۋ ٸس-شارالارى بارىسىندا كٷدٸكتٸ رەتٸندە جەرگٸلٸكتٸ تۇرعىندى قۇرىقتادى. ول ٶز كٸنەسٸن تولىق مويىندادى.
بۇل جايت قر قك 380-بابى 2-بٶلٸگٸ «بيلٸك ٶكٸلٸنە قاتىستى كٷش قولدانۋ» بويىنشا تٸركەلدٸ. ساراپتاما تاعايىندالدى. اتالعان جايت بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. قازٸرگٸ ۋاقىتتا تەرگەۋ وقيعانىڭ تولىق مەن-جايىن انىقتاۋدا.
ٶز كەزەگٸندە, سايرام اپب-نىڭ جەرگٸلٸكتٸ پوليتسييا قىزمەتٸنٸڭ ۋچاسكەلٸك پوليتسييا ينسپەكتورى پوليتسييا مايورى دەۋرەن بايحاراشەۆ قىزمەت كٶرسەتٸلەتٸن ەكٸمشٸلٸك ۋچاسكەدە قوعامدىق تەرتٸپ پەن ازاماتتاردىڭ قاۋٸپسٸزدٸگٸن قامتاماسىز ەتۋ بويىنشا قىزمەتٸن جالعاستىرۋدا.
تٷركٸستان وبلىسىنىڭ پوليتسەيلەرٸ ازاماتتاردى جول قوزعالىسى ەرەجەلەرٸن ساقتاۋعا شاقىرادى. جىلدامدىقتى اسىرماڭىز, مانەۆر جاساۋ ەرەجەلەرٸن بۇزباڭىز جەنە قارسى قوزعالىس جولاعىنا شىقپاڭىز, سونداي-اق بيلٸك ٶكٸلدەرٸنٸڭ زاڭدى تالاپتارىنا باعىنىڭىز.
