ەلوردادا سايلاۋدىڭ ٶتۋ بارىسىن بايقاۋشى يتاليياداعى ەۋروپارلامەنت دەپۋتاتى فۋلفيو مارتۋشەللو ساياسي وقيعاعا قاتىسۋ ٷشٸن قازاقستانعا ارنايى كەلگەن وتانداسىمىزدىڭ بەلسەندٸلٸگٸن ەرەكشە اتاپ ٶتتٸ, دەپ حابارلايدى قازاقپارات.
«مەن سايلاۋ باستالعالى بٸرنەشە ۋچاسكەگە باردىم. بٸزدٸڭ ەسەپ بويىنشا ول ۋچاسكەلەردە تاڭەرتەڭ سايلاۋعا قاتىسۋشىلاردىڭ 42% ٶز تاڭداۋىن جاسادى. بۇل - حالىقتىڭ بەلسەندٸلٸگٸنٸڭ كٶرسەتكٸشٸ جەنە ول بۇل ٷردٸس بٸز كەتەم دەگەنشە جالعاسىن تاپتى. سونىمەن قاتار, سايلاۋ ۋچاسكەلەرٸندە تيٸستٸ سانيتارلىق تالاپتاردىڭ ورىندالۋ بارىسىن بايقادىم. سايلاۋ پروتسەسٸن باقىلاۋ مۇنىمەن بٸتپەيدٸ, بٸز باسقا دا ەلدەردەن كەلگەن ەرٸپتەستەرٸمٸزبەن تالقىلاۋ ٶتكٸزەمٸز. ودان بٶلەك, ازاماتتاردىڭ وسى سايلاۋعا قاتىستى باسقا دا سۇراقتارى بولسا, ونى مەنٸڭ ەلەكتروندى پوشتاما جولداۋ مٷمكٸندٸكتەرٸ بار», - دەدٸ فۋلفيو مارتۋشەللو ەلوردادا تەۋەلسٸز حالىقارالىق بايقاۋشىلاردىڭ قاتىسۋىمەن ٶتكەن باسپاسٶز مەسليحاتىندا.
ونىڭ ايتۋىنشا, سايلاۋعا كەلۋشٸلەردٸڭ اراسىندا ەيەلدەر مەن جاستار باسىم.
«بٸز سايلاۋ ۋچاسكەسٸنە بارعاندا الدىمەن حالىقپەن سٶيلەسەمٸز, ياعني سايلاۋشىلارمەن ەڭگٸمەلەسەمٸز. سودان سوڭ عانا ۇيىمداستىرۋشىلارمەن سۇحباتتاسامىز. ٶزٸم بارعان سايلاۋ ۋچاسكەلەرٸندە بٸرنەشە جايتقا كۋە بولدىم. بٸر كٸسٸ سايلاۋ ۋچاسكەسٸنٸڭ اشىلۋىنا 1 ساعات قالعاندا ەرتە كەلٸپ العان. بەلسەندٸ سايلاۋشىمەن سٶيلەسٸپ, سەتتٸلٸك تٸلەدٸم. ەكٸنشٸ جاعداي - قازاقستان ازاماتى سايلاۋعا قاتىسۋ ٷشٸن ىستانبۇلدان (تٷركييا) ارنايى كەلگەن, بۇل شىنىن ايتۋ كەرەك, مەنٸ تاڭعالدىردى», - دەيدٸ ول.
