قازاقستاندىق ساراپشىلار Sailau Talks-2021 الاڭىندا ەلٸمٸزدە ٶتٸپ جاتقان پارلامەنت سايلاۋىنىڭ ماڭىزى مەن ەرەكشەلٸگٸ تۋرالى ايتتى, دەپ حابارلايدى قازاقپارات.
«2021 جىلعى سايلاۋدىڭ بٸرٸنشٸ ەرەكشەلٸگٸ – كونستيتۋتسييالىق مەرزٸمگە ساي, ياعني ٶز كەزەگٸمەن ٶتٸپ جاتىر. ەكٸنشٸدەن, قازاقستاندا تۇڭعىش رەت مەسليحات سايلاۋى پارتييالىق تٸزٸم بويىنشا ٶتەدٸ. ٷشٸنشٸدەن, تۇڭعىش رەت ساياسي پارتييالاردىڭ بارلىق تٸزٸمٸندە 30% كۆوتا ساقتالعان. تٶرتٸنشٸدەن, سايلاۋدان كەيٸن جاڭا پارلامەنتتٸڭ قۇرامىندا بٸزدە ەڭ العاش رەت «پارلامەنتتٸك وپپوزيتسييا» دەگەن تٷسٸنٸك قالىپتاسادى. مەن وسى تٶرت ەرەكشەلٸكتٸ اتاپ ٶتكٸم كەلەدٸ», - دەيدٸ قازاقستان ستراتەگييالىق زەرتتەۋلەر ينستيتۋتىنىڭ بٶلٸم باسشىسى الۋا جولدىبالينا.
سونداي-اق, قازاقستان ستراتەگييالىق زەرتتەۋلەر ينستتيتۋتىنىڭ ساراپشىسى مادينا بەكتەنوۆا بيىلعى سايلاۋدىڭ ەرەكشەلٸگٸ – كوروناۆيرۋس پاندەميياسى جاعدايىندا ٶتٸپ جاتقانىن باسا ايتتى.
«كٶپتەگەن مەملەكەت وسىنداي جاعدايدا سايلاۋ ٶتكٸزۋدەن باس تارتتى, دەگەنمەن سايلاۋ ٶتكٸزگەن مەملەكەتتەر دە بار. قازاقستان سول كەزەڭنەن سەتتٸ ٶتكەن مەملەكەت قاتارىنا جاتادى. بٷگٸن بٸزدە بارلىق ساقتىق شارالارىن ساقتاي وتىرا سايلاۋ ٶتٸپ جاتىر. سايلاۋدىڭ باستى ەرەكشەلٸگٸ – ٶز ۋاقىتىندا ٶتٸپ جاتىر. بۇعان دەيٸنگٸ پارلامەنت مەجٸلٸسٸ سايلاۋى 5 رەت مەرزٸمٸنەن بۇرىن ٶتكەن», - دەيد ول.
