قازاقستاننىڭ ۇلتتىق بانكٸنٸڭ باسشىلىعى دەۆالۆاتسيياعا قاتىستى پٸكٸر بٸلدٸردٸ, دەپ حابارلايدى Sputnik قازاقستان تٸلشٸسٸ.
بانك تٶراعاسىنىڭ ورىنباسارى ولەگ سمولياكوۆتىڭ سٶزٸنە قاراعاندا, بٸرٸنشٸ توقساننىڭ قورىتىندىسى بويىنشا جارييالانعان تٶلەم بالانسىنىڭ ستاتيتيكاسى بويىنشا تاۋارلار مەن قىزمەتتەردٸڭ ايىرباسى +800 ميلليون اقش دوللارىن قۇرايدى.
"مەسەلەن, ٶتكەن جىلى بٸرٸنشٸ توقساندا - 900 ميلليون دوللار بولعان. نەگٸزٸ, تٶلەم بالانسىنىڭ تاريحىنا قاراساق, بٸزدە اعىمداعى وپەراتسييالاردىڭ "دەفيتسيتتٸك ەسەپشوتى" جيٸ بولادى. بۇل دەگەنٸمٸز ەلگە كەلەتٸن ۆاليۋتاعا قاراعاندا اقشا جۇمساۋىمىز باسىم. ال ٶتكەن جىلدىڭ تٶرتٸنشٸ توقسانىندا +1,5 ميلليارد اقش دوللارى بولدى. وعان بٸرٸنشٸ توقساننىڭ +800 ميلليونىن قوسىڭىز, سوندا تازا 2,4 ميلليارد دوللار ەلگە كەلٸپ وتىر. ول كەتەتٸن اقشادان كٶپ", - دەدٸ سمولياكوۆ جۋرناليستەرگە بەرگەن سۇقباتىندا.
ونىڭ ايتۋىنشا, قازٸرگٸ مۇناي باعاسى, رۋبلدٸڭ باعامى, دەپوزيتتەردٸڭ ديناميكاسى جەنە تاعى باسقا فاكتورلار بٸر قالىپتى جەنە تەڭگەنٸڭ باعامىنا ايتارلىقتاي ەسەر ەتٸپ تۇرعان جوق.
"بٷگٸندە تٷرلٸ قاۋەسەتتەر دەۆالۆاتسييا تۋرالى ەڭگٸمەنٸ كٶبەيتٸپ وتىر. ۇلتتىق بانك ۆاليۋتانىڭ باعامىن رەتتەمەيدٸ. بٸزدٸڭ نەگٸزگٸ مٸندەتٸمٸز – ينفلياتسييا. ونى پروتسەنتتٸك مٶلشەرلەمە ارقىلى رەتتەپ وتىرامىز. ال ايىرباس كۋرسىن رەتتەۋگە قاتىستى ەشقانداي مٸندەتٸمٸز جوق", - دەپ اتاپ كٶرسەتتٸ ۇلتتىق بانك تٶراعاسىنىڭ ورىنباسارى.
ال جۋرناليستەردٸڭ "سايلاۋدان كەيٸن دەۆالۆاتسييا بولا ما?" دەگەن سۇراعىنا ول "جوق" دەپ قىسقا قايىردى. بٸراق 9 ماۋسىمنان كەيٸن ايتارلىقتاي ٶزگەرٸستەردٸڭ بولمايتىنىنا كەپٸلدٸك بەرگەن جوق.
"كۋرس كٷندە ٶزگەرٸپ جاتادى. بٸراق ايتارلىقتاي ٶزگەرٸستەر بولماۋى كەرەك. مەسەلە مىنادا, قازٸرگٸ كەزدە بٸز مٷلدەم باسقا جاعدايدا ٶمٸر سٷرٸپ جاتىرمىز. بٸراق ەلٸ كٷنگە دەيٸن ارتقا جالتاقتاپ جاتامىز. ول كەزدە اقشا-كرەديتتٸك رەجيمٸمٸز باسقاشا بولدى. كۋرستىڭ ناقتى باعامى بەلگٸلەنٸپ وتىردى. بٸز سانالى تٷردە كۋرستىڭ اۋىتقۋىن بارىنشا تٶمەندەپ, ٶزٸمٸز رەتتەپ وتىردىق. سودان نەشە تٷرلٸ قاۋٸپ-قاتەرلەردٸڭ سالدارىنان دەۆالۆاتسييا بولاتىن. قازٸر مٷلدەم باسقاشا رەجيم", - دەيدٸ ولەگ سمولياكوۆ.
