قر پرەزيدەنتتٸگٸنە كانديداتتىڭ مەملەكەتتٸك تٸلدٸ ەركٸن مەڭگەرگەنٸن انىقتايتىن لينگۆيستيكالىق كوميسسييا مٷشەسٸ عاريفوللا ەسٸم «ۇلى دالا قىراندارى» رەسپۋبليكالىق قوعامدىق بٸرلەستٸگٸ اتىنان ٷمٸتكەر سەدٸبەك تٷگەلدٸڭ ەمتيحان نەتيجەسٸن جارييالادى, دەپ حابارلايدى قازاقپارات تٸلشٸسٸ.
ونىڭ ايتۋىنشا, ٷمٸتكەر تاپسىرمالاردى بەرٸلگەن ۋاقىتتا ورىندادى جەنە قوسىمشا ۋاقىتتى قاجەت ەتكەن جوق.
«ەمتيحان تالابىنا سەيكەس, ٷمٸتكەر بٸرٸنشٸ كەزەڭدە شىعارما جازۋى تيٸس. سەدٸبەك تٷگەل «تەۋەلسٸز مەملەكەتتەر دوستاستىعى: تاريحى جەنە بٷگٸنٸ» تاقىرىبىن تاڭداپ الدى جەنە مەملەكەتتٸك تٸلدٸ ەركٸن مەڭگەرگەنٸن كٶرسەتتٸ. ەرينە, كەيبٸر ەملە قاتەلەرٸ تۋرالى ەسكەرتپەلەرٸمٸز بار, بٸراق ول مەملەكەتتٸك تٸلدٸ مەڭگەرۋگە بٶگەت ەمەس», - دەدٸ عاريفوللا ەسٸم ورتالىق سايلاۋ كوميسسيياسىندا ٶتكەن بريفينگتە.
ەكٸنشٸ كەزەڭدە ٷمٸتكەر لينگۆيستيكالىق كوميسسييا الدىندا 3 بەتتٸك مەتٸندٸ وقۋى كەرەك.
«ەكٸنشٸ كەزەڭدە ٷمٸتكەر بيلەت ارقىلى ەبٸش كەكٸلبايدىڭ «دالا باللادالارىن» تاڭداپ الدى. بۇل جەردە دە سەدٸبەك تٷگەل ٶزٸنٸڭ وقۋ مەدەنيەتٸن كٶرسەتە الدى. ٷشٸنشٸ كەزەڭدە - سٶز سٶيلەۋ ٷشٸن ٷمٸتكەرگە «بابالار سٶزٸ - دانالىق كٶزٸ» دەگەن تاقىرىپ تٷستٸ. بۇل كەزەڭدە كانديدات قازاقشا ەركٸن ويلاپ, ەركٸن سٶيلەپ, پٸكٸر ايتا الاتىنىن تولىق دەلەلدەدٸ. جالپى ٷش كەزەڭ بويىنشا كوميسسييا ۇجىمى «سەدٸبەك تٷگەل مەملەكەتتٸك تٸلدٸ ەركٸن مەڭگەرگەن» دەگەن شەشٸمگە كەلدٸ», - دەدٸ كوميسسييا مٷشەسٸ.
ايتا كەتەيٸك, 22 سەۋٸردە بەلگٸلٸ قوعام قايراتكەرٸ, جازۋشى-جۋرناليست سەدٸبەك تٷگەل قازاقستان رەسپۋبليكاسىنىڭ پرەزيدەنتتٸگٸنە كانديدات رەتٸندە قۇجات تاپسىردى. 23 سەۋٸردە «Nur Otan» پارتيياسىنىڭ اتىنان كانديدات قاسىم-جومارت توقاەۆ مەملەكەتتٸك تٸل ەمتيحانىن تاپسىرعان ەدٸ.
