بٷگٸن عالىم, تەحنيكا عىلىمدارىنىڭ دوكتورى, پروفەسسور سايات ىبىراەۆ مەرزٸمٸنەن بۇرىن بوستاندىققا شىقتى. بۇل تۋرالى ونىڭ ادۆوكاتى ابزال قۇسپان حابارلادى.
«وسى جىلدىڭ 15 اقپانىنداعى سەمەي قالالىق سوتىنىڭ شەشٸمٸ بۇزىلىپ, بٷگٸن شىعىس قازاقستان وبلىستىق سوتىنىڭ اپپەلياتسييا القاسىنىڭ قاۋلىسىمەن سايات ىبىراەۆ مەرزٸمٸنەن بۇرىن بوساتىلدى. سوت شەشٸمٸنە شىققان كٷننەن باستاپ كٷشٸنە ەنەدٸ, سوندىقتان اعانى بٷگٸن-ەرتەڭ شىعارىپ, الماتىعا الىپ كەتەمٸز», — دەدٸ ابزال قۇسپان.
ايتا كەتسەك, سايات ىبىراەۆ 2011 جىلى «ەكسترەميزم» بابى بويىنشا 12 جىلعا سوتتالعان بولاتىن. جاقىندا عانا قازاقتىڭ بٸر توپ زييالى قاۋىم ٶكٸلٸ سايات ىبىراەۆتى مەرزٸمٸنەن بۇرىن بوساتۋ ٷشٸن قر جوعارعى سوت تٶراعاسى جاقىپ اسانوۆقا اشىق حات جازعان-دى.
