پارلامەنت سەناتىنىڭ تٶراعاسى مەۋلەن ەشٸمباەۆ تٷركٸستان وبلىسىندا جەرگٸلٸكتٸ تۇرعىندارمەن كەزدەستٸ. كەزدەسۋ بارىسىندا كونستيتۋتسييالىق رەفورمانىڭ مەنٸ مەن ماڭىزى كەڭٸنەن سٶز بولدى, دەپ حابارلايدى "ۇلت اقپارات" پارلامەنت سەناتىنىڭ باسپاسٶز قىزمەتٸنە سٸلتەمە جاساپ.
سەنات سپيكەرٸنٸڭ ساپارى قوجا احمەت ياساۋي كەسەنەسٸنە زييارات ەتۋمەن باستالدى. ول جەردە سەناتورلار ساياسي قۋعىن-سٷرگٸن جەنە اشارشىلىق قۇرباندارىنىڭ رۋحىنا تاعزىم ەتٸپ, دۇعا جاسادى.
ٶڭٸردٸڭ زييالى قاۋىمىمەن كەزدەسۋدە مەملەكەت باسشىسىنىڭ باستاماسىمەن ەلٸمٸزدە جٷرگٸزٸلٸپ جاتقان ساياسي رەفورمالار تالقىلاندى. سونداي-اق جيىنعا قاتىسۋشىلار تاريحي سانانى جاڭعىرتۋ مەسەلەسٸنە نازار اۋداردى. سەنات تٶراعاسى بۇل رەتتە سوڭعى جىلداردا بەلسەندٸ جٷرگٸزٸلٸپ كەلە جاتقان اشارشىلىق تاقىرىبىن زەرتتەۋ جۇمىستارىنىڭ ماڭىزدى ەكەنٸن, وسى باستامانى رەسپۋبليكالىق جەنە ٶڭٸرلٸك دەڭگەيدە جالعاستىرۋ كەرەكتٸگٸن ايتتى.
«اشارشىلىق تاقىرىبىنا ارنالعان جۇمىستاردى ەرٸ قاراي جالعاستىرۋدىڭ ماڭىزى زور. بۇل, بٸرٸنشٸ كەزەكتە, تاريحي سانامىزدى جاڭعىرتۋ ٷشٸن قاجەت. ال, تاريحي سانانى جاڭعىرتۋ دەگەنٸمٸز, تەۋەلسٸزدٸكتٸ نىعايتۋ, ەلدٸكتٸ ەڭسەلٸ ەتۋ جەنە ۇلتتىق قۇندىلىقتاردى دەرٸپتەۋ جولىنداعى نەگٸزگٸ قادامداردىڭ بٸرٸ», – دەدٸ مەۋلەن ەشٸمباەۆ.
سونىمەن قاتار سەنات سپيكەرٸ ەل پرەزيدەنتٸنٸڭ باستاماسىمەن قولعا الىنعان ساياسي رەفورمالارعا توقتالدى. ول كونستيتۋتسيياعا ەنگٸزۋ ٷشٸن ۇسىنىلعان تٷزەتۋلەر مەن الداعى رەفەرەندۋم ەلٸمٸزدٸڭ ساياسي جٷيەسٸن عانا ەمەس, باسقا دا سالالاردى دامىتۋعا بەرٸك نەگٸز قالايتىنىن اتاپ ٶتتٸ.
«كونستيتۋييالىق رەفورما بيلٸك مونوپوليياسىن بولدىرماۋعا جەنە ساياسي بەسەكەنٸ دامىتۋعا جول اشادى. بۇل باستامالاردىڭ بەرٸ قازاقستاندى دەموكراتييالىق, قۇقىقتىق, ەدٸلەتتٸ جەنە ەلەۋمەتتٸك مەملەكەت رەتٸندە نىعايتۋعا باعىتتالعان. وسى جولداعى جۇمىستار كونستيتۋتسيياعا ٶزگەرٸستەر ەنگٸزۋمەن توقتامايتىنى بەلگٸلٸ. الداعى ۋاقىتتا دا ساياسي جٷيەمٸزدٸ رەفورمالاۋ ٸسٸ جالعاسا بەرەدٸ», – دەدٸ سەنات تٶراعاسى.
سونىمەن قاتار مەۋلەن ەشٸمباەۆ احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ وقىتۋشى-پروفەسسورلار قۇرامىمەن جەنە ستۋدەنتتەرٸمەن كەزدەستٸ. ول ٸس-شارادا كونستيتۋتسييالىق رەفورمانىڭ نەگٸزگٸ باعىتتارى تۋرالى ايتىپ, جاستاردىڭ سۇراقتارىنا جاۋاپ بەردٸ.
«قازٸرگٸ تاڭدا بٸلٸم الۋ ٶمٸرلٸك پروتسەسكە اينالدى. بٷگٸندە جاي عانا ساۋاتتى بولۋ جەتكٸلٸكسٸز. ۋنيۆەرسيتەت قابىرعاسىندا باكالاۆر نەمەسە ماگيستر دەرەجەسٸن يەلەندٸم دەپ تە توقمەيٸلسۋگە بولمايدى. ەردايىم ٸزدەنٸستە بولۋ قاجەت. ٶزٸڭدٸ ٷزدٸكسٸز جەتٸلدٸرٸپ وتىرۋ – جەتٸستٸكتٸڭ نەگٸزٸ», – دەدٸ پالاتا سپيكەرٸ.
سونداي-اق سەنات تٶراعاسى كەنتاۋ ترانسفورماتور زاۋىتىنىڭ ۇجىمىمەن جەنە ٶڭٸردەگٸ بٸر توپ ەلەۋمەتتٸك كەسٸپكەرمەن كەزدەسٸپ, ساياسي رەفورمالاردىڭ ماڭىزىنا نازار اۋداردى. كەزدەسۋدە ايماقتاعى ٶزەكتٸ مەسەلەلەر, اتالعان سالاعا قاتىستى تٷيتكٸلدەر دە جان-جاقتى تالقىلاندى. مەۋلەن ەشٸمباەۆ ايتىلعان پٸكٸرلەر مەن ۇسىنىستار تيٸستٸ مەملەكەتتٸك ورگاندار تاراپىنان پىسىقتالىپ, پارلامەنتتٸڭ زاڭ شىعارۋ جۇمىسىندا ەسكەرٸلەتٸنٸن جەتكٸزدٸ.
