ساياسي قۋعىن-سٷرگٸنگە ۇشىراعانداردى زەرتتەۋ جۇمىسى بٸر نەمەسە ەكٸ جىلدا اياقتالمايدى. مۇنداي پٸكٸردٸ قر بعم فيلوسوفييا, ساياساتتانۋ جəنە دٸنتانۋ ينستيتۋتىنىڭ باس عىلىمي قىزمەتكەرٸ, فيلوسوفييا عىلىمدارىنىڭ دوكتورى, پروفەسسور باقىتجان ساتەرشينوۆ بٸلدٸردٸ, دەپ حابارلايدى قازاقپارات.
عالىم باقىتجان ساتەرشينوۆتىڭ ايتۋىنشا, ساياسي قۋعىن-سٷرگٸن قۇرباندارىن تولىق اقتاۋ تۋرالى مەسەلە بىلتىر كٶتەرٸلدٸ.
«2020 جىلى مەملەكەت باسشىسى قاسىم-جومارت توقاەۆ 31 مامىر – ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸنە وراي ٷندەۋ جارييالاعان بولاتىن. پرەزيدەنت ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا قۇرۋ كەرەكتٸگٸن تاپسىردى. مەملەكەتتٸك كومييسييانىڭ قۇرامىنا ەلٸمٸزدەگٸ بٸرنەشە مينيسترلٸكتٸڭ ٶكٸلدەرٸ, مەملەكەتتٸك قىزمەتكەرلەر, عالىمدار مەن ساراپشىلار كٸردٸ. كوميسسييانىڭ تٶراعاسى قىرىمبەك كٶشەرباەۆ العاشقى جيىندى جەلتوقسان ايىندا ٶتكٸزدٸ. سول وتىرىستا اتقاراتىن جۇمىس بەكٸتٸلٸپ, تاپسىرمالار بەرٸلدٸ»,- دەيدٸ باقىتجان ساتەرشينوۆ.
سونىمەن قاتار, ول 11 جۇمىس توبى قۇرىلعانىن ايتتى.
« 11 ارنايى جۇمىس توبى قۇرىلدى. ونىڭ بٸرٸنشٸسٸ, قۋعىن-سٷرگٸن قۇرباندارىن اقتاۋ جٶنٸندەگٸ مەتودولوگييالىق كٸشٸ كوميسسيياسى. سول سيياقتى ەرتٷرلٸ كاتەگورييا بويىنشا جۇمىس توپتارى قۇرىلدى. توپ ٶكٸلدەرٸ جابىق ارحيۆتەردەگٸ ماتەريالدارعا قول جەتكٸزۋ ٷشٸن ارنايى تەكسەرۋدەن ٶتتٸ. سودان كەيٸن بارىپ جۇمىسقا كٸرٸستٸ. بٸزدٸڭ توپ - ساياسي قۋعىن-سٷرگٸنگە ۇشىراعان, دەستٷرلٸ دٸن ٶكٸلدەرٸن زەرتتەۋ, زەردەلەۋ, تالقىلاۋ توبى»,- دەيدٸ عالىم.
ونىڭ ايتۋىنشا, زەرتتەۋ جۇمىسى بٸر نەمەسە ەكٸ جىلدا اياقتالمايدى. ٶيتكەنٸ, قۋعىن-سٷرگٸن ۇعىمىنىڭ اۋقىمى كەڭ.
«قۇعىن-سٷرگٸن قۇرباندارىن اقتاۋ جۇمىستارى 1953 جىلدارى باستالدى. تەۋەلسٸزدٸك العانان كەيٸن 1993 جىلى ارنايى زاڭ قابىلداندى. سونىڭ اياسىندا ٷش مىڭنان اسا ادام اقتالدى. قازٸرگٸ جۇمىس توبىنىڭ الدىنداعى مٸندەت - اقتالماعان ادامداردى تابۋ. 1926 جىلى قابىلدانعان قىلمىستىق كودەكستٸڭ 58-بابى بويىنشا سوتتالعانداردىڭ بەرٸ بەلگٸلٸ. نەگٸزٸنەن سولار اقتالعان. باسقا دا باپتار بار. ولار جابىق مۇراعاتتا ساقتاۋلى تۇر. قۇپييا قۇجات بولعاندىقتان, ارحيۆتەردەگٸ قۇجاتتاردى زەرتتەۋ كٶپ ۋاقىت الادى»,- دەيدٸ ول.
سپيكەر اقتالعان ادامدار كەزٸندە ەل ٷشٸن ەڭبەك ەتكەن بولسا ولاردىڭ ەسٸمٸن ۇلىقتاۋ قاجەت دەپ ەسەپتەيدٸ.
«قۋعىن-سٷرگٸنگە ۇشىراعان ازاماتتاردىڭ اراسىندا ەلٸنە ەڭبەك سٸڭٸرگەندەر بولۋى ەبدەن مٷمكٸن. مٸنە, بٸز سول ەسٸمدەردٸ زەرتتەۋٸمٸز قاجەت. ولاردىڭ ەرلٸكتەرٸن بولشاق ۇرپاق بٸلۋٸ تيٸس. ول تۋرالى عىلىمي ەڭبەكتەر جازىلۋى كەرەك. وسىنىڭ بەرٸ كەشەندٸ جۇمىستى قاجەت ەتەدٸ»,- دەدٸ باقىتجان ساتەرشينوۆ.
