ۇلتتىق قوعامدىق سەنٸم كەڭەسٸنٸڭ العاشقى وتىرىسىندا سٶز العان ساياساتتانۋشى ساياسات نۇربەك ەلدە تيٸمسٸز جۇمىسپەن قامتۋ بەلەڭ العانىن ايتتى, دەپ حابارلايدى "ۇلت اقپارات".
«بٸزدەگٸ بٸلٸم جەنە عىلىم مينيسترٸلٸگٸ مەن ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ادام كاپيتالىن بٸرلەسٸپ دامىتا الماي وتىر. بٸرٸنشٸ مەسەلە – بٸلٸمگە دەگەن جاپپاي سۇرانىس جوق. جالپى ٸشكٸ ٶنٸمنٸڭ تٷسٸپ كەتكەنٸنە قاراماستان, بٸزدە تيٸمسٸز جۇمىس ورىندارى ساقتالۋدا. بٸلٸم بەرۋ جٷيەسٸ بٸلٸم ەكونوميكاسىنىڭ ماماندارىن ەلٸ كٷنگە دايىنداماي وتىر. جوعارى بٸلٸمنٸڭ بۇقارالىق سيپات الىپ كەتكەنٸن قاسىم-جومارت كەمەلۇلى ٶزٸنٸڭ جولداۋىندا دا كٶتەردٸ. جوعارى بٸلٸمنٸڭ بۇل مەسەلەسٸنە ەندٸ عانا جٷيەلٸ قاراپ جاتىرمىز. سٶيتە تۇرا, بٸلٸم بەرۋ جٷيەسٸ بيزنەسكە قۇلاق اسپايدى. جۇمىس بەرۋشٸلەردٸڭ 91 پايىزى تٷلەكتەردٸڭ پراكتيكالىق بٸلٸمٸ مەن ماشىعى جوق ەكەنٸن ايتۋدا. ديپلوم يەلەرٸنٸڭ جارتىسىنا جۋىعى ٶز ماماندىعى بويىنشا جۇمىس ٸستەمەيدٸ. 25 جاستان كەيٸن بٸزدٸڭ ادامدار بٸلٸم الۋدى توقتاتادى. بٸلٸكتٸلٸگٸن ارتتىرۋعا زەر سالمايدى. «ەڭبەك كەدەيلٸگٸ» دەگەن تٷسٸنٸك قالىپتاستى. مىسالى, بٸزدە دەرٸگەر مەن كٶلٸك جٷرگٸزۋشٸسٸنٸڭ ايلىقتارىنداعى ايىرماشىلىق 20 پايىزدان اسپايدى. ال اقش-تا بۇل كٶرسەتكٸش - 260 پايىز, گەرمانييادا 174 پايىز, برازيلييادا 172 پايىز. وسىلايشا, نەعۇرلىم جوعارى بٸلٸكتٸ, شىعىنى ەلەۋلٸ ماماندىقتارعا سۇرانىس بايقالماي وتىر. بۇل - ٶتە كٷردەلٸ پروبلەما», - دەدٸ ساياسات نۇربەك.
