قر جوعارعى سوتى ساۋنادا دەمالعان اۋداندىق سوت تٶراعاسىنا قاتىستى قىزمەتتٸك تەكسەرۋدٸڭ العاشقى نەتيجەسٸمەن بٶلٸستٸ, دەپ حابارلايدى قازاقپارات.
«سۋديالاردى لاۋازىمىنان الۋ جەنە تەرتٸپتٸك جاۋاپكەرشٸلٸككە تارتۋ تەرتٸبٸ «قازاقستان رەسپۋبليكاسىنىڭ سوت جٷيەسٸ جەنە سۋديالاردىڭ مەرتەبەسٸ تۋرالى« قر كونستيتۋتسييالىق زاڭىمەن رەتتەلەدٸ. سۋديالاردى تەرٸس قىلىعى بويىنشا قىزمەتٸنەن الۋ بٸرنەشە كەزەڭمەن جٷزەگە اسىرىلادى. بٸرٸنشٸدەن, ناقتى جاعداي بويىنشا سۋديا ەدەبٸ جٶنٸندەگٸ كوميسسييا سۋديا ەرەكەتٸندە سۋديا ەدەبٸ كودەكسٸن بۇزۋ فاكتٸسٸنٸڭ بولۋى تۋرالى قورىتىندى شىعارۋمەن تەكسەرۋ جٷرگٸزەدٸ. تەرتٸپ بۇزۋشىلىق انىقتالعان جاعدايدا وبلىستىق سوتتىڭ بارلىق سۋديالارىنىڭ قاتىسۋىمەن ٶتەتٸن جالپى وتىرىستا جوعارعى سوت كەڭەسٸ جانىنداعى سوت تٶرەلٸگٸنە سۋديانى تەرتٸپتٸك جازاعا تارتۋ ٷشٸن ماتەريالداردى جٸبەرۋ تۋرالى مەسەلە جاسىرىن داۋىس بەرۋ ارقىلى شەشٸلەدٸ», - دەدٸ قر جوعارعى سوتى باسپاسٶز قىزمەتٸنٸڭ جەتەكشٸسٸ ايدوس سەدۋاقاسوۆ.
ونىڭ اتاپ ٶتۋٸنشە, بۇعان قوسا سۋديا سوت تٶرەلٸگٸنٸڭ ٶزٸن تەرتٸپتٸك جازاعا تارتۋ تۋرالى شەشٸمٸنە قاتىستى جوعارعى سوت كەڭەسٸنە شاعىم جاساي الادى. سودان كەيٸن عانا جوعارعى سوت كەڭەسٸ تٷپكٸلٸكتٸ شەشٸم قابىلدايدى.
«الماتى وبلىستىق سوتىنىڭ سۋديا ەدەبٸ جٶنٸندەگٸ كوميسسيياسى الماتى وبلىسى كەربۇلاق اۋداندىق سوتىنىڭ تٶراعاسى د.سەيٸتوۆتٸڭ مونشا كەشەنٸندە بولۋ فاكتٸسٸنە قاتىستى تەكسەرۋ جٷرگٸزدٸ. تەكسەرۋ ماتەريالدارىن كوميسسييا قارادى. كوميسسييا الماتى وبلىسى كەربۇلاق اۋداندىق سوتىنىڭ تٶراعاسى د.سەيٸتوۆتٸڭ سۋديا ەدەبٸ كودەكسٸن بۇزۋ فاكتٸسٸن انىقتادى. بٷگٸنگٸ كٷنٸ د.سەيٸتوۆكە قاتىستى ماتەريال الماتى وبلىستىق سوتىنىڭ جالپى وتىرىسىنىڭ قاراۋىندا جاتىر», - دەدٸ ايدوس سەدۋاقاسوۆ.
ەستەرٸڭٸزگە سالا كەتسەك, وسىدان بٸراز ۋاقىت بۇرىن پروكۋرور مەن سوت تٶراعاسىنىڭ كەسٸپكەرمەن بٸرٸگٸپ ساۋنادا دەمالىپ جٷرگەن ۆيدەوسى ەلەۋمەتتٸك جەلٸگە تاراعان بولاتىن. بەينەجازبادا ۆيدەونى تٷسٸرٸپ تۇرعان اۆتور ٶزٸنٸڭ سوت تٶراعاسىمەن ساۋنادا دەمالىپ جاتقانىن باياندايدى.
