نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا قالادا پنەۆمونيياعا شالدىققاندار تۋرالى ايتىپ بەردٸ, دەپ حابارلايدى قازاقپارات.
«كٷنٸنە كوروناۆيرۋس ينفەكتسيياسى جەنە پنەۆمونييامەن 350-400-گە جۋىق ادام اۋرۋحاناعا جاتقىزىلادى. جۇقپالى اۋرۋلار جەنە پروۆيزورلىق اۋرۋحانالاردا ادامداردىڭ سانى بٷگٸندە 2,5 مىڭعا دەيٸن ٶسٸپ وتىر. ونىڭ 91 پايىزى ورتاشا اۋىرلىق دەرەجەسٸندە, 9 پايىزى اۋىر جەنە ٶتە اۋىر. ولار جەدەل رەانيماتسييا بٶلٸمٸنە بٸردەن تٷسەدٸ. نەگٸزٸ, سوڭعى اپتامەن سالىستىرعاندا, ناۋقاستاردىڭ سانى ٷش ەسەگە دەيٸن ٶستٸ»,-دەدٸ ول.
ونىڭ سٶزٸنە قاراعاندا, وسى تەۋلٸكتە رەانيماتسييا بٶلٸمٸندە 103 ادام جاتىر, ونىڭ 51-ٸ كوروناۆيرۋس ينفەكتسيياسى بولسا, سونىڭ ٸشٸندە 22 ادام جاساندى تىنىس الۋ اپپاراتىنا قوسىلعان. ٶكٸنٸشكە قاراي, بٷگٸندە 38 ٶلٸم جاعدايى تٸركەلدٸ. ولاردىڭ 70 پايىزى - 60 جاستان اسقان ادامدار.
«پنەۆمونييامەن اۋىراتىن ناۋقاستاردىڭ سانى تەۋلٸگٸنە 600 جاعدايعا دەيٸن ٶستٸ. بۇرىن 80 جاعدايعا دەيٸن بولاتىن. اپتاسىنا 8,5 ەسەگە دەيٸن جوعارىلاۋى بايقالىپ وتىر. 12 ماۋسىمنان باستاپ, نۇر-سۇلتان قالاسىنداعى مەديتسينالىق ۇيىمداردىڭ تٶسەك ورنى قورىن قايتا قۇرۋعا بايلانىستى جۇقپالى جەنە پروۆيزورلىق اۋرۋحانالارداعى تٶسەك ورنى سانى 1351 ورىنعا ۇلعايتىلدى. تەك سوڭعى ٷش كٷندە قوسىمشا 830 تٶسەك دايىندالدى. ونىڭ ٸشٸندە بٷگٸن ۇلتتىق عىلىمي مەديتسينالىق ورتالىقتىڭ بازاسىندا تاعى 200 ينفەكتسييالىق تٶسەك دايىندالادى. سونىمەن, بٷگٸندە كوروناۆيرۋس ينفەكتسيياسىمەن كٷرەسۋگە 3 135 تٶسەك ورىندىق 12 دەنساۋلىق ساقتاۋ ۇيىمى جۇمىلدىرىلدى. قازٸرگٸ ۋاقىتتا جۇقپالى جەنە پروۆيزورلىق اۋرۋحانالاردا جۇمىس جٷكتەمەسٸ 79 پايىزدى قۇراپ وتىر», - دەدٸ باسقارما باسشىسى.
